«ҚР ТЖМ Ақтөбе облысы ТЖД Өрт сөндіру және авариялық – құтқару жұмыстары қызметі» ММ индекс 030010, Ақтөбе облысы, Ақтөбе қаласы, Гришин көшесі, 64 «А», электрондық мекенжайы: ok_spasr_aktub@mail.ru; тел/факс 54-38-58 төмендегідей бос лауазымдарға үміткерлерді іріктеуді жариялайды:
Радиотелефоншы – 12 бірлік
Персоналдың санаты - С-SV-13, лауазымдық жалақысы еңбек сіңірген жылдарына, арнайы атағы мен сыныптық біліктілігіне байланысты 106 200 теңгеден басталады.
Функционалдық міндеттері:
Радиотелефоншыға келесі міндеттер жүктеледі:
жауынгерлік кезекшілікке түскен кезде бөлімнің байланыс пунктіндегі құжаттамаларды, мүліктер мен техникалық құралдарды тізім бойынша қабылдап алу; телефонмен түскен барлық шақыртуларға тез арада жауап беру; бекітілген тәртіпте бөлімнің байланыс пунктінің журналына хабарламаларды енгізу және қажет болған жағдайда ол бойынша тиісті шешімдер қабылдау; бөлімнің шығу ауданындағы шұғыл жағдайды, өрт сөндірудің шұғыл жоспарлары мен карточкалары жасалған және бөлімшенің өртке жоғарғы шақырту нөмірі (рангі) бойынша жіберілетін кәсіпорындар тізімін білу; өрт сөндіру гарнизонында орналасқан сусыз учаскелерді, маңызды және өрт қауіпті нысандардың орналасу орнын, өткелдер мен су көздерін, сонымен қатар өрт автокөліктерінің негізгі тактика – техникалық мәліметтерін білу; бөлімнің байланыс пунктінің қызметтік және анықтамалық құжаттарын пайдалана білу; өрт туралы хабарламаларды тез қабылдауды қамтамасыз ету; кезекшілікке түскен және кезекшілікті атқару кезінде бөлімінің байланыс пунктіндегі байланыс құралдарының жұмысын тексереді, олармен жұмыс жасау кезінде техникалық қауіпсіздік ережесін сақтау; байланыс құралдарының қалпын және тазалығын тексеру, олардың істен шыққан туралы ауысым жетекшісіне баяндау; аудан (нысан) өрт күзеті өзара іс – әрекеттесетін қызметтерімен байланыс ұстап, қажетіне қарай ол қызметтерді өрт (апат, табиғи апаттарға) белгіленген тәртіпке сәйкес жолдау; қызметтік, әскери, еңбек және орындау тәртібі заңдылықтарын мүлтіксіз орындау, сонымен қатар мемлекеттік қызметшілердің қызмет этикасы ережесін сақтау.
Аға байланыс шебері – 2 бірлік:
Персоналдың санаты - С-SV-12, лауазымдық жалақысы еңбек сіңірген жылдары мен арнайы атағына байланысты 104 906 бастап 204 973 дейін.
Функционалдық міндеттері:
аға байланыс мастерiне мына мiндеттер жүктеледi:
өрт сөндiру мемлекеттiк мекемелерiнiн бөлiмшелерiне және басқару органдары жетекшiлерiне өрт байланысының қызметiн байланыс өрт құралдарын бар болуы және пайдалануына бақылау жасау; өрт байланысының жаңа құралдарын дамыту бойынша сабақ өткiзу және лауазымды тұлғаларды дайындау; бөлiмшелердегi өрт байланыс құралдары туралы ақпараттарды бiлу, анықталған кемшiлiктердi жоюға бағытталган шаралар қабылдау; өрт байланыс құралдарынын жұмысына талдау жасау, оның жағдайын жақсарту бойынша шараларды әзiрлеу және жүзеге асыру, оның iшiнде байланыс сапасы және гарнизондағы радиоалмасу ережелерiнiң орындалуына бақылау жасау; өрт бойынша жалған хабар берген тұлғаны анықтап белгiленген тәртiппен шара колдану, сонымен қатар гарнизондағы радиоалмасуға келтiрiлетiн кедергiлердi анықтау; өрт байланысынан бас тарту, байланыс кұралдарын зақымдау және жоғалту фактілері бойынша қызметтiк тексерiске қатысу; өрт байланысы құралдарын уақтылы тексеруді және жөндеуді қамтамасыз ету; өрт байланыс құралдарына техникалық қызмет көрсетуді ұйымдастыруды, жөндеуді қадағалау; өрт байланысы бөлімшелерінің жұмысына, оның ішінде далалық байланыс тораптарына өз құзіреті шеңберінде бақылауды жүзеге асыру; пайдаланылатын байланыс құралдарының жұмыс жасауын қамтамасыз ету, байланыс құралдарының құрылымдық, принциптік схемалары мен құрылымын білу және байланыс құралдарын жөндеу тәртібін анықтау, жедел түрде ақауды тауып, қалпына келтіру; пайдаланудың жөндеу аралық мерзімін, техникалық қызмет көрсету жүргізілген мерзімді білуі және жоспар-кестеге сәйкес техникалық қызмет көрсетуді уақытылы жүргізу; жаңа технологияларды, басқарудың прогрессивті нысандарын, еңбекті бағалаудың ғылыми негізделген өлшемдерін кең қолдану негізінде жұмыс қызметтерін жүзеге асыру; қызметтік, әскери еңбек және атқарушылық тәртіп заңдылықтарын, сондай-ақ мемлекеттік қызметшілердің этикасын мүлтіксіз сақтау; кәсіби, мәдени және спорттық деңгейін көтеруге жұмыс істеу; қызметтік уақытты аса тиімді пайдалану үшін жұмыстарды жоспарлауды ұйымдастыру; жас мамандарға әдістемелік және практикалық көмек көрсету, тәлімгерлік институтын дамыту; бекітілген тәртіпте бөлімшелердің байланыс құралдарының бүтіндігін, жағдайын тексеру; өрт сөндіру мемлекеттік мекемелерінің бөлімшелеріне және басқару органдарының жетекшілеріне өрт байланысының қызметін жақсарту және техникалық қызмет көрсету, қолдану кезіндегі кемшіліктерді жою мәселелері бойынша ұсыныстар беру; өрт байланысының құралдарын, өрт байланыс құралдарына сұранымдарды және пайдалану-шығын материалдарды үйлестіру жұмыстарына қатысу; бекітілген тәртіпте негізгі өрт байланыс жүйелері істен шыққан немесе жөндеу жұмыстары кезінде уақытша байланыс кестелерін енгізуді талап ету; өрт байланысының ақаулығы бар құралдармен жұмыс жасауға тиым салу; жұмыстарды жетілдіру бойынша ұсыныстарды енгізу; өз құзыреті шеңберінде сыртқы ұйымдармен байланысты жүзеге асыру; заңдылықты, қызметтік, әскери, еңбек және орындаушылық тәртіпті, сондай-ақ мемлекеттік қызметшілердің қызметтік әдеп қағидаларын мүлтіксіз сақтау.
Іріктеуге қатысушыларға қойылатын негізгі талаптар:
Жасы - 18 жастан 35 жасқа дейін, толық орта білімі бар.
Өзімен бірге: бiлiмi туралы құжаттардың көшiрмелерi; еңбек қызметін растайтын құжаттардың көшiрмесi (болған кезде); әскери билеттің немесе шақыру учаскесіне тіркелгені туралы куәлігінің көшiрмесi; кандидаттың соңғы жұмыс (оқу) орнынан немесе әскери қызметін өтеген әскери бөлімнен мінездеме; 3х4 см өлшемдегі төрт фотосуреті; Қазақстан Республикасы азаматының жеке басын куәландыратын құжаттың көшірмесі; Қазақстан Республикасы Бас прокурорының 2014 жылғы 10 шілдедегі № 71 бұйрығымен (Нормативтік құқықтық актілерді мемлекеттік тіркеу тізілімінде № 9638 болып тіркелген) бекітілген Арнайы есепке алудың жекелеген түрлерiн жүргiзу мен пайдаланудың Қағидасына сәйкес нысан бойынша Қазақстан Республикасының Бас прокуратурасы Құқықтық статистика және арнайы есепке алу жөніндегі комитетінің есептері бойынша адамның қылмыстық құқық бұзушылықты жасағаны туралы мәліметтердің бар-жоғы туралы анықтама; өзіне және жұбайына кірістері мен мүлкі туралы декларацияны тапсырғаны туралы екі данада анықтама; құжаттарды тапсыру сәтінде өту мәнінен төмен емес нәтижелері бар, Қазақстан Республикасының заңнамасын білуіне тестілеуден өткені туралы жарамды сертификатты (не сертификаттың нотариалдық куәландырылған көшірмесін); құжаттарды тапсыру сәтінде уәкілетті органда жеке қасиеттерін бағалаудан өткені туралы жарамды қорытындыны (не қорытындының нотариалдық куәландырылған көшірмесін) болуы қажет.
Құжаттарды қабылдау аталған хабарландыру жарияланған сәттен бастап он жұмыс күні ішінде мына мекенжай бойынша жүзеге асырылады: Ақтөбе қ., Гришин көшесі, 64 «А» (Ақтөбе облысының ТЖД «ӨС және АҚЖҚ» ММ кадр саясаты бөлімі), сағат 08.30-дан бастап 18.30-ға дейін (түскі үзіліс 12.30-дан бастап 14.30-ғе дейін), демалыс (сенбі, жексенбі) және мерекелік күндерден басқа күндері қабылданады.