Ақмола облысының бірқатар өңірлерінде тәулігіне 7000 текше метрден астам қар шығарылды

Ақмола облысының жекелеген өңірлерінде қардың көп түсуіне байланысты жергілікті атқарушы органдар күшейтілген режимде жолдарды тазарту және елді мекендерден қар шығару жұмыстарын жалғастырды, – деп хабарлайды Ақмола облысы ТЖД баспасөз қызметі.

Ағымдағы жылдың 14-18 сәуір аралығында антициклондардың әсерінен Степногорск, Қосшы қалаларында, Астрахан, Ақкөл, Ерейментау және Целиноград аудандарында қардың мол түсуі байқалды.

Жоғарыда аталған аудандардың коммуналдық қызметтерімен тұрғын үйлер мен әлеуметтік маңызы бар объектілерді еріген су басуына жол бермеу мақсатында бір тәулік ішінде елді мекендерден 7453 текше метр қар шығарылды.

Қыс мезгілінің басынан бастап бүгінгі күнге дейін барлығы 1,6 млн.текше метр қар шығарылды.

Ақмола облысы ТЖД баспасөз қызметі.