Қазақстан Республикасы Төтенше жағдайлар министрлігі Ақмола облысының Төтенше жағдайлар департаменті Қаржылық қамтамасыз ету басқармасы туралы ереже

Қазақстан Республикасы

Төтенше жағдайлар министрлігі

Ақмола облысы ТЖД бастығының

20__жылғы____________№____

бұйрығына №____ қосымшасы

 

 

Қазақстан Республикасы Төтенше жағдайлар министрлігі

Ақмола облысының Төтенше жағдайлар департаменті  Қаржылық қамтамасыз ету басқармасы туралы ереже

 

1-тарау. Жалпы ережелер

 

  1. Қаржылық қамтамасыз ету басқармасы (бұдан әрі – басқарма) Қазақстан Республикасы Төтенше жағдайлар министрлігі Ақмола облысы Төтенше жағдайлар департаментінің (бұдан әрі-Департамент) бюджеттік бағдарламалар бойынша бюджет шығыстарын жоспарлау және орындау, Департамент аппаратының және Департаменттің аумақтық бөлімшелерінің бухгалтерлік есебін ұйымдастыру, қаржыландыру жөніндегі жұмысты үйлестіретін және жүзеге асыратын құрылымдық бөлімшесі болып табылады.
  2. Басқарма өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
  3. Басқарманың құрылымы мен штат саны министрдің бұйрығымен белгіленеді және бекітіледі.

 

2- тарау. Басқарманың негізгі міндеттері, функциялары, құқықтары мен міндеттері

 

  1. Міндеті: тиісті қаржы кезеңіне арналған республикалық бюджеттік бағдарламалар бойынша шығыстарды жоспарлау.

Функциялары:

1) тиісті қаржы кезеңіне Департаменттің бюджеттік өтінімін одан әрі қалыптастыру үшін Департамент аппаратының қызметтері мен Департаменттің аумақтық бөлімшелері ұсынған ұсыныстар негізінде республикалық бюджет бойынша Департаменттің бюджеттік өтінімін қалыптастырады;

2) тиісті қаржы кезеңіне арналған Департаменттің бюджеттік өтінімін одан әрі қалыптастыру және жергілікті атқарушы органдарға жіберу үшін Департамент аппаратының қызметтері мен Департаменттің аумақтық бөлімшелері ұсынған ұсыныстар негізінде жергілікті бюджет бойынша Департаменттің бюджеттік өтінімін қалыптастырады;

3) Департаменттің мүдделі бөлімшелерімен бірлесіп Төтенше жағдайлар министрлігінде (бұдан әрі-Министрлік) және жергілікті атқарушы органдарда бюджеттік өтінімді қорғауды қамтамасыз етеді.

  1. Міндеті: азаматтық қорғау органдарын мемлекеттік бюджеттен қаржыландыру рәсімін жүргізу.

Функциялары:

1) міндеттемелер мен төлемдер бойынша бюджеттік бағдарламаларды қаржыландырудың жеке жоспарларын әзірлейді және Министрлікке бекітуге ұсынады;

2) Департамент аппараты қызметтерінің және мүдделі бөлімшелердің ұсыныстары негізінде қажеттілігіне қарай нақты шығыстарды нақтылауға байланысты міндеттемелер мен төлемдер бойынша қаржыландыру жоспарларын өзгертуге өтінімдер енгізуді жүргізеді;

  1. Міндеті: қолданыстағы нормативтік құқықтық актілерге сәйкес бухгалтерлік есепті ұйымдастыру.

Функциялары:

1) жартыжылдық және жылдық бюджеттік есептілікті жасауды, бюджеттік бағдарламаларды іске асырудың жиынтық бюджеттік мониторингін, статистикалық және салықтық есептілікті, дебиторлық және кредиторлық берешек туралы жедел есептерді және басқа да есептілікті жинауды және жасауды, оларды белгіленген мерзімде мүдделі уәкілетті мемлекеттік органдарға табыс етуді жүзеге асырады;

2) Департаменттің бухгалтерлік есебін ұйымдастыру және жүргізу;

3) ұсынылған ақаулы актілер, материалдық жауапты тұлғалардан сараптама актілері негізінде негізгі құралдарды есептен шығаруға актілерді қалыптастыру және оларды бухгалтерлік есепте жүргізу;

4) активтерді Департамент теңгерімінен басқа мемлекеттік мекемелердің теңгеріміне ауыстырған кезде, сондай-ақ тылдық қамтамасыз ету қызметі талаптарының хаттары негізінде оларды есептен шығарған кезде бухгалтерлік анықтамалар беру;

5) тылдық қамтамасыз ету қызметі талаптарының хаттары негізінде жеткізушілер енгізген қамтамасыз ету сомаларын Департаменттің депозиттік шотына қайтару;

6) ұзақ мерзімді активтердің,қорлардың, ақша қаражатының және басқа да активтердің нақты бар-жоғын анықтау үшін әрбір материалдық жауапты тұлға бойынша жылдық түгендеу жүргізу туралы бұйрықты, түгендеу тізімдемесін жасау және ұзақ мерзімді активтердің, қорлардың, ақша қаражатының және басқа да активтердің нақты бар-жоғын бухгалтерлік есеп деректерімен салыстыру, сондай-ақ түгендеу қорытындылары бойынша департамент бойынша хаттаманы ресімдейді;

7) жоспарлау, қаржыландыру, қызметкерлерге материалдық көмек көрсету мәселелері бойынша бұйрықтардың жобаларын дайындау.

  1. Міндеті: Қазақстан Республикасының заңдары мен өзге де нормативтік құқықтық актілерінің жобаларын дайындауға қатысу.

Функциялары:

1) өз құзыреті шегінде ұсыныстар дайындайды және құқықтық актілердің жобаларын әзірлейді;;

2) нормативтік құқықтық актілерді және Басқарма қызметіне қатысты құқықтық актілерді әзірлейді.

  1. Міндеті: қаржы-шаруашылық қызмет саласындағы жұмысты үйлестіру.

Функциялары:

1) жоспарлауды және қаржыландыруды ұйымдастыру, азаматтық қорғау органдары жүйесінде еңбекке ақы төлеудің қолданыстағы шарттарын қолдану және бухгалтерлік есеп пен есептілікті жүргізу мәселелері бойынша әдістемелік басшылық ету;

2) Басқарма құзыретіне кіретін мәселелер бойынша кеңестер және басқа да іс-шаралар өткізеді;

3) Басқарма құзыретіне кіретін мәселелер бойынша азаматтардың хаттарын, шағымдары мен өтініштерін қарайды.

  1. Құқықтары мен міндеттері:

1) белгіленген тәртіппен Департаменттің құрылымдық және аумақтық бөлімшелерінен материалдық құндылықтар мен ақша қаражатын пайдалануда қаржы-шаруашылық қызмет және мемлекеттік тәртіпті сақтау мәселелері бойынша қажетті мәліметтерді, анықтамалар мен түсіндірмелерді және жүктелген міндеттерді орындау үшін қажетті басқа да мәліметтерді сұратуға және алуға;

2) басқарманың қызметіне қатысты мәселелер бойынша ведомстволық бағынысты бөлімшелердің орындауы үшін міндетті нұсқаулар беруге;

3) қолданыстағы бюджет заңнамасын сақтай отырып және Департамент басшысы берген өкілеттіктер шегінде қаржы ресурстарына билік етуге және банктік, есеп айырысу және басқа да қаржы құжаттарына екінші қол қоюға;

4) Департамент атынан Қазақстан Республикасының Мемлекеттік елтаңбасы бейнеленген шаруашылық және ақша құжаттары үшін мөрді пайдалануға;

5) Департаменттің аумақтық бөлімшелеріне қаржы-экономикалық және бухгалтерлік жұмыс мәселелерінде әдістемелік көмек көрсету;

6) құзыреті шегінде заңнаманы және нормативтік құқықтық актілерді жетілдіру бойынша ұсыныстар енгізу;

  1. Қазақстан Республикасының заңдарында, Президентінің және Үкіметінің актілерінде белгіленген өзге де міндеттерді, функцияларды, құқықтар мен міндеттерді жүзеге асырады.

 

3- тарау. Басқарманың қызметін ұйымдастыру

 

  1. Басқарма заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыру үшін қажетті өкілеттіктерге ие.
  2. Басқарманы басқарма басшысы басқарады, оны Департамент басшысы лауазымға тағайындайды және лауазымнан босатады.
  3. Басқарма басшысы басқарманың жұмысын ұйымдастырады және оған басшылық жасайды, Басқармаға жүктелген міндеттердің орындалуы мен оның өз функцияларын жүзеге асыруы үшін дербес жауапты болады.
  4. Осы мақсатта басқарма басшысы:

1) басқарманың құрамына кіретін қызметкерлердің міндеттері мен өкілеттіктерін айқындайды;

3) Қазақстан Республикасының заңдарына, Президенті мен Үкіметінің актілеріне сәйкес өзге де өкілеттіктерді жүзеге асырады.

 

4- тарау. Басқарманың лауазымды тұлғаларының жауапкершілігі

 

  1. Басқарманың лауазымды тұлғалары Қазақстан Республикасының қолданыстағы заңнамасына сәйкес Қазақстан Республикасы заңнамасының сақталуына және оларға жүктелген міндеттердің орындалуына және олардың өз функцияларын жүзеге асыруына заңнамада белгіленген тәртіппен жауапты болады.
  2. Қажет болған жағдайда басқарма осы Ережеге өзгерістер мен толықтырулар енгізуге бастамашылық жасайды

 

 

Әзірленген:

 

Кадр саясат бастығының міндетін атқарушы

азаматтық қорғау подполковнигі                                                      И. Хлопко

 

 

Келісілді:

 

Басқарма басшысы – бас бухгалтер ҚҚБ                                      Д. Нұралина

 

Заң тобының бас маманы                                                              А. Қарабекова

 

Дата публикации
08 апреля 2021