Қазақстан Республикасы Төтенше жағдайлар министрлігі Ақмола облысының Төтенше жағдайлар департаменті Төтенше жағдайларды жою баскармасының ережесі

Ақмола облысы Төтенше жағдайлар департаменті бастығының 2021 жылғы «____» __________ № ____ бұйрығына ____ Қосымшасы

 

Қазақстан Республикасы Төтенше жағдайлар министрлігі

Ақмола облысының Төтенше жағдайлар департаменті

 Төтенше жағдайларды жою баскармасының

ережесі

 

1. Жалпы ережелер
2. Төтенше жағдайларды жою басқармасы (бұдан әрі – Басқарма) Ақмола облысының Төтенше жағдайлар департаменті (бұдан әрі – Департамент) Қазақстан Республикасы Төтенше жағдайлар министрлігінің (бұдан әрі – Министрлік) құрылымдық бөлімшесі болып табылады.
3. Басқарма өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
4. Басқарманың құрылымы, штат саны Департаменттің штат кестесімен айқындалады.
5. Басқарма: бастықтан, бас мамандардан, аға инженерден, инженерден тұрады.

 

2. Басқарманың негізгі міндеттері, функциялары,

құқықтары мен міндеттері

5. Міндеттері:

1) төтенше жағдайларды жою бөлігінде азаматтық қорғау саласындағы мемлекеттік саясатты іске асыру;

2) авариялық-құтқару жұмыстарын ұйымдастыру және жүргізу.

6. Функциялары:

1) төтенше жағдайларды жою саласындағы мемлекеттік саясаттың негізгі бағыттарын жүзеге асыру, азаматтық қорғаудың мемлекеттік жүйесінің жұмыс істеуін және одан әрі дамуын қамтамасыз ету;

2) өз құзыреті шегінде Министрліктің мемлекеттік, салалық бағдарламалармен және тұжырымдамалармен, Операциялық жоспарымен, Департаменттің жыл сайынғы жұмыс жоспарымен көзделген іс-шараларды одан әрі практикалық іске асыруға қатысу;

3) төтенше жағдайларды жою саласындағы құқықтық актілерді әзірлеу және келісу;

4) Департаменттің жедел кеңестеріне, облыстың төтенше жағдайлардың алдын алу және оларды жою жөніндегі комиссия отырыстарына материалдарды, Басқарма құзыретіне кіретін мәселелер бойынша инстанцияларға ақпаратты, анықтамаларды, шолуларды дайындауға қатысу;

5) қызметтік жұмысының бағыты бойынша жыл сайынғы талдаулар жүргізу;

6) төтенше жағдайларды жою саласындағы жедел жоспарлау мәселелері бойынша Департаменттің аумақтық органдары мен авариялық-құтқару қызметтерінің, Ақмола облысының аумағында орналасқан Министрлік бөлімшелерінің қызметін үйлестіру;

7) төтенше жағдайларды жою жөніндегі іс-қимылдар жоспарларын әзірлеу және түзету;

8) құзыреті шеңберінде Департамент өткізетін халықаралық оқу-жаттығуларды, Республикалық командалық-штабтық оқу-жаттығуларды («Көктем», «Қыс», «Жер», «Зымран»), тактикалық-арнайы оқу-жаттығулар, штабтық жаттығуларды, терроризмге қарсы іс-қимыл жөніндегі оқу жаттығуларының (сабақтарының) жоспарлау, әзірлеу, өткізу;

9) «Жас құтқарушы» үйірмелерінің жұмыстарын ұйымдастыру;

10) өз құзыреті шегінде төтенше жағдайларды жоюға басшылықты жүзеге асыру;

11) азаматтық қорғау саласындағы уәкілетті органның жедел резервінің материалдық құралдарын бөлу және пайдалану жөнінде ұсыныстарды дайындауға қатысу;

12) Төтенше жағдайлар мен олардың салдарларын жою жөнінде шаралар қабылдау үшін мемлекеттік материалдық резервтен материалдық қаражат бөлу жөнінде ұсыныстар дайындауға қатысу;

13)  құзыреті шеңберінде қолданыстағы заңнамаға сәйкес төтенше жағдайларды жою кезінде ұйымдардың материалдық-техникалық ресурстарын тартуға қатысады;

14) табиғи және техногендік сипаттағы төтенше жағдайларды жою жөніндегі іс-шараларды ұйымдастыру және жүргізу кезінде азаматтық қорғау күштеріне басшылық ету жөнінде ұсыныстар дайындау;

15) төтенше жағдайлар кезінде авариялық-құтқару және кезек күттірмейтін жұмыстарды жүргізуді ұйымдастыру;

16) қажетті қауіпсіздік, төтенше жағдайларды жою жөніндегі шаралар туралы мемлекеттік органдарды, халықты және ұйымдарды жедел хабардар ету;

17) Департаменттің төтенше жағдайларды жоюға қажетті күштері мен құралдарының санын айқындау;

18) төтенше жағдайларды жоюға жедел ден қою мәселелері бойынша халықаралық ынтымақтастыққа қатысу;

19) төтенше жағдайларды жою саласындағы әлемдік тәжірибені зерделеу және қолдану;

20) құзыреті шеңберінде жедел ден қою мәселелері бойынша Департаменттің аудандық (қалалық) бөлімшелеріне, Ақмола облысының аумағында орналасқан Министрлік бөлімшелерінің қызметіне әдістемелік басшылықты жүзеге асыру;

21) Ақмола облысы бойынша Терроризмге қарсы орталығымен өзара
іс-қимыл мәселелері бойынша Департаменттің қызметін ұйымдастыру;

22) құзыреті шеңберінде Қазақстан Республикасы Мемлекеттік күзет қызметі жүргізетін күзет іс-шараларын ұйымдастыру және өткізуге қатысу;

23) Департамент бөлімшелерінің жұмысын ұйымдастыру:

құзыреті шегінде, "Байқоңыр" ғарыш айлағынан зымыран тасығыштарды ұшыруға байланысты төтенше жағдайларға ден қою;

шомылу маусымдарында және күзгі, қысқы кезеңдерде елдің су айдындарында адамдардың қаза болуын болдырмау жөніндегі түсіндіру жұмыстарын жүргізуін   ұйымдастырады;

24) аумақтық, ведомствоға бағынысты бөлімшілердің, Ақмола облысының аумағында орналасқан Министрлік бөлімшелерінің жедел-қызметтік жұмысын тексеруге қатысу;

25) Қазақстан Республикасының заңнамасына сәйкес өзге де өкілеттіктерді жүзеге асырады.

7. Басқарманың құқықтары мен міндеттері:

1) Департаменттің аумақтық бөлімшелерінен, авариялық-құтқару қызметтерінен, Ақмола облысының аумағында орналасқан Министрлік бөлімшелерінің жүктелген міндеттерді орындау үшін қажетті құжаттарды, анықтамалық және өзге де материалдарды сұрату және алу;

2) төтенше жағдайлар туындаған кезде ақпараттық-аналитикалық материалдарды дайындау үшін Департаменттің аумақтық бөлімшелері мен авариялық-құтқару қызметтерінің, Ақмола облысының аумағында орналасқан Министрлік бөлімшелерінің қызметкерлерін тарту

3) Қазақстан Республикасының Конституциясы мен заңнамасының талаптарын мүлтіксіз сақтау;

4) Департамент басшылығына жедел кеңестерде Басқарманың құзыретіне кіретін мәселелерді қарау туралы ұсыныстар енгізу;

5) Басқарма құзыретіне кіретін мәселелер бойынша департамент басшылығы жанындағы жедел кеңестердің және жетекшілік ететін бөлімшелердің басқа да кеңестерінің жұмысына қатысу;

6) тексерулер мен қызметтік тергеулердің нәтижелері бойынша Басқарманың құзыретіне кіретін мәселелер бойынша баға беру;

7) Департаменттің құзыретіне кіретін мәселелер бойынша кеңестер, семинарлар ұйымдастыру және өткізу;

8) Департаменттің жетекшілік ететін бөлімшелерінің басшыларын төтенше жағдайларды жою жөніндегі іс-шараларды ұйымдастыру және өткізу туралы тыңдауын бастамашылық ету;

9) төтенше жағдайларды жою бойынша жүргізілген іс-шараларды зерделеу үшін шығуын жүзеге асыру.

8. Заңда, Қазақстан Республикасы Президенті мен Үкіметінің актілерімен белгіленген өзге де құқықтар мен міндеттерді жүзеге асыру.

 

3. Басқарманың қызметін ұйымдастыру
4. Департамент ережесіне сәйкес Басқарма өзінің негізгі міндеттері мен функцияларын іске асыру үшін қажетті өкілеттіктерге ие.
5. Басқарма басшылықты, Басқармаға жүктелген міндеттердің орындалуына және оның функцияларын жүзеге асыруға дербес жауапты болатын Басқарма бастығы жүзеге асырады.
6. Басқарма бастығын Департамент бастығы қызметке тағайындайды және қызметтен босатады.
7. Басқарма бастығының өкілеттіктері:

1) Басқарма қызметкерлерінің міндеттері мен өкілеттіктерін айқындайды;

2) Департамент басшылығына Басқарманың құрылымы мен штаттық кестесі бойынша ұсыныстар береді;

3) Департамент бастығына Басқарма қызметкерлерін марапаттауға, көтермелеуге және сыйлықақы беруге ұсынады;

13. Басқарманың құзыретіне кіретін мәселелер бойынша Департаменттің басқа құрылымдық бөлімшелеріне Басқарманың атынан жолданатын құжаттарға Басқарма бастығы, ал ол болмаған жағдайда оны алмастыратын адам қол қояды.

 

 

Әзірлеген:

КСБ бастығы

азаматтық қорғау подполковнигі                                    Д. Смайылов

 

ТЖЖБ бастығы

азаматтық қорғау подполковнигі                                   Ж. Ғабдуллин

 

Келісілді:

ЗТ бас маманы                                                                   А. Қарабекова

 

Дата публикации

08 апреля 2021