Абай облысы ТЖД-де меморандумдарға қол қойылды

Бүгін Төтенше жағдайлар департаменті, "Семей қаласының көлік колледжі" КМҚК және Lider.KZ" қоғамдық бірлестігі арасында ынтымақтастық туралы меморандумдарға қол қою рәсімі өтті 

Осы келісімдер қауіпсіздік саласындағы бірлескен іс-қимылдарды күшейтуге және жастарды төтенше жағдайлар кезіндегі іс-қимылдарға дайындауға бағытталған.

Меморандумның мақсаттары мен міндеттері:

- жаңадан ашылған "төтенше жағдайларда қорғау" мамандығы бойынша студенттерді оқытуда практикалық көмек көрсету, сондай-ақ, ТЖД қызметкерлерінің оқытушылық қызметін жүргізу және кадрларды оқытудың инновациялық тәсілдері мен даму мәселелерінде тығыз өзара іс-қимыл негізінде іскерлік өзара тиімді ынтымақтастықты дамытуға ұмтылу;

- іскерлік ақпарат алмасу және практикалық оқыту үшін қолайлы орта құруға ақпараттық жәрдем ұйымдастыру, сондай-ақ колледждің қысқа мерзімді білім беру бағдарламалары бойынша Абай облысы ТЖ департаментінің мамандарын даярлауды жүзеге асыру;

- қауіпсіздік ережелері мен төтенше жағдайлардың алдын -алу туралы халықтың хабардарлығын арттыруға бағытталған бірлескен акциялар мен жобалар;

- Төтенше жағдайлар кезінде іс-қимылдарды пысықтауға бағытталған студенттер мен қоғамдық бірлестік өкілдерінің қатысуымен бірлескен оқу-жаттығулар мен жаттығуларды ұйымдастыру және өткізу.

Осы меморандумдарға қол қою мемлекеттік құрылымдар, білім беру мекемелері мен қоғамдық ұйымдар арасындағы ынтымақтастық үшін жаңа көкжиектер ашады. Бірлескен күш-жігер қауіпсіз және төтенше жағдайларға дайын ортаны құруға көмектеседі, сонымен қатар, жауапты және саналы ұрпақтың қалыптасуына ықпал етеді.

Абай облысы ТЖД, көлік колледжі және "Lider.KZ"  қоғамдық бірлестігі  жемісті ынтымақтастыққа және алға қойған мақсаттарға қол жеткізеді деген сенімдеміз. Бұл меморандум қауіпсіздікті қамтамасыз етуге және халықтың төтенше жағдайларда іс-қимылға дайындығын арттыруға бағытталған бірлескен бастамалар мен жобаларды одан әрі дамыту үшін негіз болады.

 Абай облысы ТЖД баспасөз қызметі