Абай облысында ТЖК жоспарлы отырысы өтті

Кеңеске қалалар мен аудандардың әкімдері, мемлекеттік органдар мен ұйымдардың басшылары қатысты.

Абай облысы әкімі Нұрлан Уранхаевтың төрағалығымен табиғи және техногендік сипаттағы төтенше жағдайлардың алдын-алу және жою жөніндегі облыстық комиссияның жоспарлы отырысы өтті.

Күн тәртібіне сәйкес шомылу маусымында өңірдің өзендері мен көлдерінде қауіпсіз демалысты ұйымдастыру, тіршілікті қамтамасыз ету объектілері мен көлік инфрақұрылымын 2024-2025 жылдардағы қысқы кезеңге дайындау, сондай-ақ, 2025 жылғы су тасқыны кезеңіне дайындық мәселелері қаралды.

Отырыста Абай облысының төтенше жағдайлар департаментінің бастығы Манарбек Шапағатов баяндама жасап, азаматтардың қауіпсіздігін қамтамасыз етудің және ықтимал төтенше жағдайлардың алдын -алудың маңыздылығын атап өтті.

Кеңес қорытындысы бойынша комиссия төрағасы шомылу маусымындағы қауіпсіздік шаралары, тіршілікті қамтамасыз ету және көлік инфрақұрылымы объектілерінің қысқы кезеңге дайындығы, сондай-ақ, ағымдағы жылдың көктемгі су тасқынын ескере отырып, 2025 жылғы су тасқыны кезеңінде тасқынның алдын-алу және дайындық мәселелеріне қатысты  іс-шаралар кешенін әзірлеу жұмыстары бойынша бірқатар тапсырмалар берді.

Абай облысы ТЖД баспасөз қызметі