Біз еліміздің рәміздерімен мақтан тұтамыз!

Абай облысының ТЖД-да мемлекеттік рәміздер күніне арналған "дөңгелек стол" отырысы өтті.

Іс-шара Қазақстан Республикасының әнұранын салтанатты түрде орындаудан басталды.

Департамент қызметкерлері ел өмірінде мемлекеттік рәміздердің маңызды орында екенін талқылау үшін жиналды.

"Дөңгелек стол" барысында заң тобының бас маманы Қазбек Оразаев мемлекеттік рәміздердің шығуы мен эволюциясы, олардың ұлттық бірегейлік пен бірлікті қалыптастырудағы рөлі туралы айтып берді.

Іс-шараға қатысушылар рәміздерді құрметтеу мен сақтаудың маңыздылығын талқылап, олардың патриоттық рух пен азаматтық сананы нығайтудағы маңыздылығын атап өтті.

Отырыс соңында Департамент бастығының орынбасары Азамат Мұратов барлық қатысушыларға белсенді қатысқаны үшін алғысын білдіріп, мұндай іс-шаралар патриотизм деңгейін арттыруға және ел болашағы үшін жауапкершілікті сезінуге ықпал ететінін жеткізді.

 Абай облысы ТЖД баспасөз қызметі