АБАЙ ОБЛЫСЫ ТЖД БАСТЫҒЫ ЖҰМЫС САПАРЫМЕН АУДАНДАРҒА БАРДЫ

21.09.2022 жылы Абай облысы ТЖД бастығы полковник Манарбек Шапағатов жұмыс сапарымен Бородулиха ауданына барып, 12-ӨСБ жарақтандыруындағы техникамен танысты.

Полковник М.Шапағатов Бородулиха ауданының ТЖБ және 12-ӨСБ қызметкерлерімен кездесу өткізіп, азаматтық қорғау органдары қызметкерлерінде туындайтын негізгі проблемалық мәселелер бойынша түсіндірме берді. Айта кетейік, 12-ӨСБ-да 36 адам қызмет етеді. Ал бөлімнің жарты ғасырдан астам тарихы бар.

Бұдан кейін Новошульба ауылындағы №19 өрт сөндіру бекетіне және Шүлбі ауылындағы 6-ӨСБ барды.

Сондай-ақ, 22.09.2022 жылы Манарбек Шапағатов Бесқарағай ауданының 16-ӨСБ болды. Ауданның ТЖБ бастығымен бірлесіп Бесқарағай ауылының су тасқыны қаупі бар учаскелерін аралап шықты.

Сапар соңында Департамент бастығы аталған ұйымдардың басшыларына бірқатар тапсырма берді.

 

АБАЙ ОБЛЫСЫ ТЖД БАСПАСӨЗ ҚЫЗМЕТІ