2022 жылғы 14 наурызда Ортсайлауком Төрағасы Нұрлан Әбдіров Парламент Мәжілісінің депутаттарына куәліктер мен омырауға тағатын белгілерді табыс етті

2022 жылғы 14 наурызда Орталық сайлау комиссиясының Төрағасы Нұрлан Әбдіров «Қазақстан Республикасындағы сайлау туралы» Конституциялық заңның 46-бабының 2-тармағына сәйкес Парламент Мәжілісінің депутаттарына куәліктер мен омырауға тағатын белгілерді табыс етті.

Тапсыру барысында Нұрлан Әбдіров Гаухар Нұғыманова мен Магеррам Магеррамовтың кәсіби тәжірибелерін, сондай-ақ олардың қоғамдық-саяси саладағы елеулі үлесін атап өтті.

ОСК Төрағасы «Сіздердің белсенді жұмыстарыңыз еліміздің депутаттық корпусының одан әрі тиімді қызметіне ықпал ететініне сенемін» - деп атап өтті.

Сөзінің соңында Нұрлан Әбдіров Парламент Мәжілісінің депутаттарына заң шығару жолындағы қызметтеріне табыс тіледі.