2021 жылғы 20 маусымда Армения Республикасында өтетін кезектен тыс парламенттік сайлауға Қазақстан Республикасынан жіберілетін байқаушылардың тізімі бекітілді

2021 жылғы 14 маусымда Орталық сайлау комиссиясының қаулысымен Армения Республикасы Ұлттық Жиналысы депутаттарының сайлауын байқауға қатысу үшін Қазақстан Республикасынан жіберілетін байқаушылардың кандидатуралары бекітілді.

Армения Республикасы Ұлттық жиналысы депутаттарының сайлауын байқауға Қазақстан Республикасының 6 өкілі қатысады, оның 4-уі ТМД-дан байқаушылар миссиясының құрамында, бір-бір адамнан - ЕҚЫҰ/ДИАҚБ Сайлауды байқау миссиясының құрамында және Армения Республикасы ОСК-ның шақыруы бойынша.

2021 жылғы 20 маусымда Армения Республикасында кезектен тыс парламенттік сайлау өтеді.

Ұлттық Жиналыс пропорционалды сайлау жүйесімен 5 жыл мерзімге сайланады. Ұлттық Жиналыс кем дегенде 101 депутаттан тұрады.

Қазақстан Республикасы

Орталық сайлау комиссиясының

Баспасөз қызметі

тел. 75-21-03, 75-23-69

a.khusainova@election.gov.kz

v.zheksembekova@election.gov.kz