Орталық сайлау комиссиясы ҚР Парламенті Мәжілісінің депутаты Ә. Мутәліні тіркеді

Орталық сайлау комиссиясы ҚР Парламенті Мәжілісінің депутаты Ә. Мутәліні тіркеді

ҚР Орталық сайлау комиссиясы 2025 жылғы 15 қазанда «Қазақстан Республикасы Парламенті Мәжілісінің депутаты Ә. Мутәліні тіркеу туралы» қаулы қабылдады.

«Қазақстан Республикасындағы сайлау туралы» Қазақстан Республикасы Конституциялық заңының 12, 45, 46, 97-1, 98-баптарына және «AMANAT» партиясы» қоғамдық бірлестігінің Саяси кеңесі Бюросының 2025 жылғы 14 қазандағы №010PQ қаулысынан үзінді көшірмеге сәйкес Қазақстан Республикасының Орталық сайлау комиссиясы қаулы етті:

  1. Қазақстан Республикасы Парламентінің Мәжілісі депутатының бос мандаты «AMANAT» партиясы» қоғамдық бірлестігінің мүшесі Әбутәліп Мутәліге берілсін.
  2. Әбутәліп Мутәлі Қазақстан Республикасы Парламенті Мәжілісінің депутаты болып тіркелсін.
  3. Әбутәліп Мутәліге белгіленген үлгідегі тиісті куәлік пен омырауға тағатын белгі тапсырылсын.

«Қазақстан Республикасының Парламенті және оның депутаттарының мәртебесі туралы» Конституциялық Заңның 24-бабына сәйкес депутаттың өкілеттігі оны Орталық сайлау комиссиясы тіркеген кезден басталады.

ҚР ОСК Төрағасы Нұрлан Әбдіров Әбутәліп Мутәліге Парламент депутатының куәлігі пен омырауға тағатын белгіні табыстап, депутаттық қызметіне табыс тіледі.