Бұл шешім жобасы Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына сәйкес, Қазақстан Республикасының «Қазақстан Республикасында бейбіт жиналыстарды ұйымдастыру және өткізу тәртібі туралы» 2020 жылғы 25 мамырдағы Заңының 8-бабы 2-тармағының 2) тармақшасы негізінде әзірленді.
Шешім жобасын іске асыру жергілікті бюджеттен қаржылық шығындарды талап етпейді, әлеуметтік-экономикалық және/немесе құқықтық салдарға әкеп соқпайды.
Шешім жобасы «Электрондық үкімет» порталында ашық НҚА бөлімінде https://legalacts.egov.kz/npa/view?id=14824959, «Отарқа» (2023 жылғы 7 желтоқсандағы № 49), «Голос Экибастуза» (2023 жылғы 7 желтоқсандағы № 49) жергілікті газет беттерінде, сондай-ақ Екібастұз қаласы әкімдігінің және «Екібастұз қаласы әкімдігінің ішкі саясат бөлімі» ММ-нің ресми сайттарында орналастырылды.