Тұрғын үй инспекциясы Екібастұз өңірінің жеке және заңды тұлғалары үшін екі мемлекеттік қызмет: «Қауіпті өндірістік объектілерді және техникалық құрылғыларды есепке қою және есептен шығару», сондай-ақ «Қауіпті өндірістік объектілерді салуға, кеңейтуге, реконструкциялауға, жаңғыртуға және консервациялауға арналған жобалау құжаттамасын келісу» көрсетеді.
Қызметтер толығымен автоматтандырылған және «Egov.kz» және «eLisence.kz» порталдары арқылы қолжетімді, қаланың әлеуметтік инфрақұрылым объектілерінде жеке және заңды тұлғалар үшін ғана ұсынылады.
Өтінім беру үшін белгіленген үлгідегі өтінішті толтыру және техникалық құрылғының паспортын электрондық түрде қоса беру қажет. Жергілікті атқарушы орган өтінімді белгіленген мерзімде қарайды, ал өтініш беруші нәтижені жеке кабинеті арқылы қашықтықтан алады.
Айта кетейік, негізінен тұрғын үй инспекциясына жолаушылар, аурухана және жүк лифтілері, эскалаторлар, сауда-ойын-сауық орталықтарындағы көтергіш құрылғылар, әлеуметтік сала мекемелеріндегі жылыту қазандықтары есепке алынады.
Білім беру, денсаулық сақтау, мәдениет және спорт нысандарының басшыларын, тұрғын үйлерді басқару органдарының өкілдерін ынтымақтастыққа және мемлекеттік қызметтерді қашықтықтан алуға шақырамыз!