Екібастұз өңіріңде орта білім беру жүйесінде 40 жалпы білім беретін мектеп, қалада 23 мектеп және ауылдық жерлерде 17 мектеп жұмыс істейді. Бұл мектептер арасынан №6, №36 мектеп лицейі, МГ №7, МГ №22, МГ №24, МГ № 26, МГ № 35 мектеп-гимназияларына жатады.
Қалада дарынды балаларға арналған үш мектеп- Зерде, №1 көпсалалы лицей және №19 арнайы мектеп жұмысын жалғастыруда. Барлығы 21875 оқушы.
Мектептері жоқ 15 елді мекенде тұратын 279 баланың оқуын қамтамасыз ету үшін 2 мектеп жанындағы интернат (Ақкөл ЖОББМ, Екібастұз ЖОББМ) жұмысын атқарады және балалаларды тасымалдау ұйымдастырылған.
Өңірдің жалпы білім беретін мектептерінде 1711 педагог жұмыс істейді (2017 ж-1741). Жоғары білімді педагогтар саны 1470 немесе педагогтардың жалпы санынан 85,9% құрайды.
32 мектепте 4 пән бойынша үштілділік енгізілді (АЕТ, биология, химия, физика).COVID-19 карантиніне байланысты 4-тоқсанда оқушылар қашықтықтан білім алды.
Балабақшалар саны қалада 28, оның ішінде 2 жеке меншік балабақша жұмыс істейді. Олардың ішінде 8 балабақшада статус бар: №1 «Ромашка» даму орталығы, №6 «Золотая рыбка» көптілділік орталығы, №9 «Радуга» мектепке дейінгі гимназия , №15 «Бөбек» эстетикалық даму орталығы, №18 «Гномик» дене шынықтыру-сауықтыру орталығы, №20 «Мерей» көптілділік орталығы, №21 «Кішкентай данышпандар» ресурстық орталығы, №23 «Балауса» мектепке дейінгі балабақшасы Тіл мәртебесіне қарай балабақшалар: қазақ тілінде оқыту және тәрбиелеу-6, қазақ және орыс тілдерінде-22. Ауылды жерлерде 2 балабақша, Шідерті кентінде № 11 және №17 Солнечный кентіндегі балабақшалар жұмыс істейді. Сонымен қатар, ауыл мектептерінің жанынан 17 шағын орталық жұмыс істейді. Тәрбиеленушілер саны – 7833, оның ішінде шағын орталықта-262.
Мектепке дейінгі оқыту мен тәрбиелеуді 887 педагог қызметкер жүзеге асырады, оның ішінде 643 (72,4%) тәрбиешілер. Тәрбиешілердің жалпы санынан " Мектепке дейінгі тәрбие мен оқыту " мамандығы бойынша жоғары және арнайы орта білімі бар 559 (87 %) педагог бар.