Асхат Аймағамбетов Павлодар облысының тұрғындарымен есеп беру кездесуін өткізді

ҚР Оқу-ағарту министрі Асхат Аймағамбетов Павлодар қаласында халық алдында есеп беру кездесуін өткізді. Оған өңірдің 300-ге жуық тұрғыны қатысты. Оның ішінде ата-аналар қауымы мен үкіметтік емес ұйымдардың өкілдері көп болды. Екі сағаттан астам уақыт бойы тұрғындар өздерін қызықтырған сұрақтарын қойды.

Түрлі сұрақтар қойылды.  Атап айтқанда, балалардың мектептегі қауіпсіздігі, асханадағы тамақтану, олимпиада жеңімпаздарын ынталандыру, оқушылардың оқу жетістіктерінің мониторингі, оқу бағдарламалары, ПМПК (психологиялық-медициналық-педагогикалық кабинеттер) жұмысы туралы мәселелер, «Жалпыға міндетті білім беру» қоры аясында көмекті бөлу және басқа да маңызды тақырыптар бар.

Министр көтерілген барлық сұрақ пен ұсыныс бақылауда болатынын атап өтті. Облыс әкімдігінің құзырындағы сұрақтар жергілікті деңгейде шешіледі. Қалған мәселелер бойынша министрлік қызметкерлері барлық қажетті жұмысты жүргізеді.

Сондай-ақ іс-сапар барысында министр азаматтарды жеке қабылдау жүргізді.

Халықпен осындай кездесулер басқа өңірлерде де жүргізілетін болады.