Павлодар оқушыларының ғылыми жетістіктері

Алматы қаласында 2018 жылғы 13–16 ақпан аралығында өткізілген республикалық ғылыми жобалар конкурсының қорытынды кезеңіне Қазақстанның барлық өңірлерінен 738 оқушы қатысты. Павлодар облысынан облыстық кезеңінің жеңімпазы мен жүлдегері – 58 оқушы 45 жобамен өтті.

Ғылыми сайыс 4 бағыт бойынша жүргізілді:

- экономикалық және әлеуметтік процестерді математикалық модельдеу (секциялар: математика, қолданбалы математика, экономика, информатика);

- ғылыми-техникалық прогресс - экономикалық өсудің негізгі буыны (секциялар: физика, техника, Жер және Космос туралы ғылымдар);

- таза табиғи орта – Қазақстан – 2030 стратегиясын іске асырудың негізі (секциялар: биология, химия, қоршаған орта мен адам денсаулығын қорғау);

- Қазақстанның тарихи ескерткіштері және болашақ дамуы бар саяхат маршруттары (секциялар: тарих, өлкетану, этномәдениеттану, әдебиет, тіл білімі, құқықтану).

Конкурс қорытындысы бойынша Павлодар облысының құрама командасы 4 алтын, 12 күміс, 9 қола медальдарын иеленіп, бірінші орынға ие болды және «Ең үздік команда-2018» сертификатымен марапатталды.

І орында - «Жас дарын» мамандандырылған мектебінің 10,11 сынып оқушылары Мусин Тлеухан, Амергалиева Шынар; дарынды балаларға арналған Абай атындағы №10 лицей-мектебінің 11 сынып оқушысы Сагынгалиев Ернур; Павлодар қаласы №16 лицей-мектебінің 9 сынып оқушысы Мельник София.

ІІ орында - «Жас дарын» мамандандырылған мектебінің 10,11 сынып оқушылары Қаирден Әділ, Қуаныш Еркебұлан, Жунусова Илана, Сунчалиева Аяна, Шорман Мария, Қабидолла Аружан, Кенжехан Айдана; дарынды балаларға арналған Абай атындағы №10 лицей-мектебінің 11 сынып оқушысы Уайхан Жанерке; дарынды балаларға арналған №3 гимназиясының 11 сынып оқушысы Сухоносенко Владислав; Ы.Алтынсарин атындағы дарынды балаларға арналған  облыстық қазақ гимназия-интернатының 9,11 сынып оқушылары Мұхаметқан Әдия, Жанбау Марғұлан;  Ертіс ауданы Ұзынсу орта мектебінің 9 сынып оқушысы Мусабекова Динара.

ІІІ орында – «Жас дарын» мамандандырылған мектебінің 10,11 сынып оқушылары Жасуланов Алихан, Асетов Ануар, Марданов Нұрасыл; дарынды балаларға арналған Абай атындағы №10 лицей-мектебінің 9,11 сынып оқушылары Қайдар Бексұлтан, Сапарбекова Сабина, Аманбаева Дина; дарынды балаларға арналған облыстық көп салалы лицей-интернатының 11 сынып оқушылары Зейнуллинова Айшабиби, Жанұзақ Нұрболат; Ы.Алтынсарин атындағы дарынды балаларға арналған  облыстық қазақ гимназия-интернатының 10 сынып оқушысы Әмірқұмар Медхат.

«Ертіс дарыны» өңірлік қосымша білім беру

оқу-әдістемелік орталығы