«Қаржы орталығы» АҚ мектептермен ынтымақтастық туралы 1000-ыншы меморандум жасасты!

ҚР Білім және ғылым министрлігінің жанындағы «Қаржы орталығы» АҚ Мемлекеттік білім беру жинақтау жүйесі (бұдан әрі – МБЖЖ) және Білім беру кредиттерін кепілдендіру (бұдан әрі – МБКК) бағдарламаларын ілгері жылжыту мақсатында Қазақстанның жалпы білім беретін мектептерімен ынтымақтастық туралы 1000-ыншы меморандумға қол қойды.

 

Аталмыш Меморандумның шеңберінде МБЖЖ мен МБКК-ны дамытудың өзекті мәселелері бойынша пікір және ақпарат алмасу, ата-аналар мен оқушыларға осы бағдарламалар жөнінде консультациялар беру, сондай-ақ мектептердің сайттары мен стендтерінде МБЖЖ мен МБКК туралы ақпарат орналастыру және ата-аналар жиналыстарында 1-11 сынып оқушыларының ата-аналарын атап көрсетілген мемлекеттік бағдарламалардың жұмыс істейтіндігі және мүмкіндіктері жайында ақпараттандыру жоспарланып отыр.

 

Мұндай ынтымақтастықпен мектеп түлектері үшін МБЖЖ шеңберінде оқуға қаражат жинақтау арқылы колледждерге және ЖОО-ларға оқуға түсудің және МБКК шеңберінде жеңілдетілген шарттармен білім беру кредитін алудың мүмкіндіктері кеңейтілмек.

2017 жылғы 13 қаңтардан бастап осы уақытқа дейін Қазақстанның мектептерімен 1000-ыншы Меморандум жасалды.

№	Облыс	Мектеп саны
1	Астана қ.	33
2	Алматы қ.	65
3	Ақмола	51
4	Ақтөбе	5
5	Алматы обл	202
6	Атырау	47
7	БҚО	1
8	Жамбыл	4
9	Қарағанды	99
10	Қостанай	85
11	Қызылорда	26
12	Маңғыстау	1
13	ОҚО	87
14	Павлодар	16
15	СҚО	160
16	ШҚО	118
Барлығы		1000