Малайзиялық Техникалық Ынтымақтастық Бағдарламасы аясында Малайзия тарапы 2018-2019 оқу жылына арналған грантты алу мүмкіндігін ұсынады.
Жоғарыда көрсетілген гранттар Малайзияның кез келген университетінде PhD (36 ай) және магистратура (12-24 ай) дәрежелерін алуға мүмкіндік береді.
Грант иегері атану үшін үміткерлер келесі мамандықтар бойынша Малайзияның жоғары оқу орындарынан оқуға кабылдану жөнінде мақұлдауды иемдену керектігін ескертеміз:
1. Ғылым және Инжиниринг;
2. Ауыл және Балық шаруашылығы;
3. Экономика және Исламдық қаржыландыру;
4. Ақпараттық және байланыс технологиялары;
5. Биотехнология;
6. Био-қауіпсіздік және азық-түлік қауіпсіздігі;
7. Инфрақұрылым және коммуналдық қызметтер;
8. Экологиялық зерттеулер;
9. Денсаулық сақтау, медицина, клиникалық фармакология.
Грантты алуға мүдделі үміткерлер қажетті құжаттарды 2018 жылғы 30 маусымға дейін келесі электрондық пошталарына: mtcp@kln.gov.mу және international_scholar@mohe.gov.my жіберулері қажет.
Оқу гранты жөнінде толық ақпаратты http://mtcp.kln.gov.my/ вебсайтынан және қосымшада тіркелген кітапшадан алуға болады.