«Ұлттық жобалардың кейбір мәселелері туралы» Қазақстан Республикасы Ұлттық экономика министрінің 2021 жылғы 11 тамыздағы № 79 бұйрығымен бекітілген Ұлттық жобаларды әзірлеу жөніндегі әдістеменің 25-тармағына сәйкес БҰЙЫРАМЫН:
- «Білімді ұлт» сапалы білім беру» ұлттық жобасына нәтижелер көрсеткіштерін есептеу әдістемесі осы бұйрыққа қосымшаға сәйкес бекітілсін.
- Қазақстан Республикасы Білім және ғылым министрлігінің Стратегиялық жоспарлау және үйлестіру департаменті (Э.М. Төлеков) осы бұйрықты Қазақстан Республикасы Білім және ғылым министрлігінің ресми интернет-ресурсында жариялауды және құрылымдық бөлімшелердің назарына жеткізуді қамтамасыз етсін.
- Осы бұйрықтың орындалуын бақылау Қазақстан Республикасы Білім және ғылым министрлігінің аппарат басшысы Қ.М. Сәрсембаевқа жүктелсін.
- Осы бұйрық қол қойған күнінен бастап күшіне енеді.
Министр А. Аймағамбетов