Республикалық меншіктің кейбір мәселелері туралы

«Мемлекеттік мүлік туралы» 2011 жылғы 1 наурыздағы Қазақстан Республикасы Заңының 119-1-бабына, «Назарбаев Университеті», «Назарбаев Зияткерлік мектептері» және «Назарбаев Қоры» мәртебесі туралы» 2011 жылғы 19 қаңтардағы Қазақстан Республикасы Заңының
5-бабы 1-тармағының 2) тармақшасына және 2-2-тармағына сәйкес Қазақстан Республикасының Үкіметі ҚАУЛЫ ЕТЕДІ:

  1. Алматы қаласы, Алмалы ауданы, Абылай хан даңғылы, 97/61 үй, Төле би көшесінің қиылысы мекенжайы бойынша орналасқан жылжымайтын мүліктер республикалық меншіктен «Назарбаев Университеті» дербес білім беру ұйымының меншігіне өтеусіз берілсін:

- кадастрлық нөмірі 20:311:006:089:97/61, жалпы алаңы 2618,1 шаршы метр әкімшілік ғимарат;

- кадастрлық нөмірі 20:311:006:089, алаңы 0,2504 гектар жер учаскесі.

  1. Қазақстан Республикасы Қаржы министрлігінің Мемлекеттік мүлік және жекешелендіру комитеті «Назарбаев Университеті» дербес білім беру ұйымымен бірлесіп (келісім бойынша) осы қаулыдан туындайтын қажетті шараларды қабылдасын.
  2. Осы қаулы қол қойылған күнінен бастап қолданысқа енгізіледі.

 

 

Қазақстан Республикасының

         Премьер-Министрі                                                            А. Мамин

Дата публикации
30 июля 2021