2015 - 2017 жылдарға арналған Қазақстан Республикасының білім және ғылым саласындағы сыбайлас жемқорлыққа қарсы іс-қимыл жөніндегі кешенді жоспарды бекіту туралы
Қазақстан Республикасы Білім және ғылым министрінің 2015 жылғы 4 мамырдағы № 277 бұйрығы
(2015.29.07. берілген өзгерістермен)
«Қазақстан Республикасының 2015 - 2025 жылдарға арналған сыбайлас жемқорлыққа қарсы стратегиясы туралы» Қазақстан Республикасы Президентінің 2014 жылғы 26 желтоқсандағы № 986 Жарлығын, «Қазақстан Республикасының 2015 - 2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі 2015 - 2017 жылдарға арналған іс-шаралар жоспарын бекіту туралы» Қазақстан Республикасы Үкіметінің 2015 жылғы 14 сәуірдегі № 234 қаулысын, «Нұр Отан» партиясының 2015 - 2025 жылдарға арналған сыбайлас жемқорлыққа қарсы іс-қимыл жөніндегі бағдарламасын іске асыру үшін БҰЙЫРАМЫН:
1. Қоса беріліп отырған 2015 - 2017 жылдарға арналған Қазақстан Республикасының білім және ғылым саласындағы сыбайлас жемқорлыққа қарсы іс-қимыл жөніндегі кешенді жоспар (бұдан әрі - Кешенді жоспар) бекітілсін.
2. Қазақстан Республикасы Білім және ғылым министрлігінің құрылымдық бөлімшелері:
1) Кешенді жоспарды іске асыру бойынша қажетті шараларды қабылдасын;
2) жылына бір рет, есепті жылдан кейінгі айдың 5-күнінен кешіктірмей Заң департаментіне Кешенді жоспардың іс-шараларының орындалу барысы туралы ақпарат берсін.
3. Заң департаменті (І.О. Рамазанов) жылына бір рет, есепті жылдан кейінгі айдың 15-күнінен кешіктірмей тиісті мемлекеттік органдарға Кешенді жоспардың іс-шараларының орындалу барысы туралы ақпарат берсін.
4. Осы бұйрықтың орындалуын бақылау Жауапты хатшы Ә.Қ. Ғалымоваға жүктелсін.
5. Осы бұйрық қол қойылған күнінен бастап күшіне енеді.
|
Министр |
А. Сәрінжіпов |