Қазақстан Республикасының Үкіметі ҚАУЛЫ ЕТЕДІ:
- «Арнайы қорғау дәрежесін талап ететін баспа өнімін берушілерді айқындау, сондай-ақ олардан сатып алынатын осындай өнімнің тізбесін бекіту және Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің 2015 жылғы 31 желтоқсандағы № 1162 қаулысына (Қазақстан Республикасының ПҮАЖ-ы, 2015 ж., № 83-84, 604-құжат) мынадай өзгерістер енгізілсін:
«Қазақстан Республикасы Ұлттық Банкінің Банкнот фабрикасы» шаруашылық жүргізу құқығындағы республикалық мемлекеттік кәсіпорнынан сатып алынатын арнайы қорғау дәрежесін талап ететін баспа өнімінің тізбесінде:
12-тармақ мынадай редакцияда жазылсын:
«12. Философия докторы (PhD) ғылыми дәрежесі берілетін мемлекеттік үлгідегі диплом».
15, 16 және 17 -тармақтар мынадай редакцияда жазылсын:
«15. Магистр ғылыми дәрежесі берілетін жоғарғы оқу орнынан кейінгі білім туралы мемлекеттік үлгідегі диплом.
- Сала бойынша докторы дәрежесі берілетін мемлекеттік үлгідегі диплом.
- Дипломға үш тілдегі қосымшалардың (транскрипт) мемлекеттік үлгідегі бланкілері.»;
28, 29, 30 және 31-тармақтар мынадай редакцияда жазылсын
«28. Біліктілік берілетін жоғары білім туралы мемлекеттік үлгідегі диплом (маман).
- Біліктілік берілетін жоғары білім туралы мемлекеттік үлгідегі үздік диплом (маман).
- Бакалавр дәрежесі берілетін жоғары білім туралы мемлекеттік үлгідегі диплом (жай).
- Бакалавр дәрежесі берілетін жоғары білім туралы мемлекеттік үлгідегі үздік диплом (үздік).».
- Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі А. Мамин