Шахтинск қаласының білім беру ұйымдарының білім алушылары мен тәрбиеленушілерін оқулықтармен және оқу-әдістемелік кешендермен қамтамасыз ету мақсатында 2021-2022 оқу жылына алдын ала оқушылар контингенті талданды.
Шахтинск қаласының білім беру ұйымдары үшін оқулықтар, көркем әдебиеттер, оқу-әдістемелік кешендерін сатып алуға және жеткізуге жергілікті бюджеттен 57353,0 мың теңге көлемінде қаражат бөлінді.
Барлық пәндер бойынша екі тілде 16 398 дана оқулықтар алынды.
Осы оқу жылынан бастап бірінші сыныпта балалар «Әліппе» және «Букварь» пәндерін оқитын болады. Ахмет Байтұрсыновтың әдістемесі «Әліппені» дайындаудың әдіснамалық тұғырнамасына айналды. 260 дана «Әліппе» және 640 дана «Букварь» оқулықтары барлық бірінші сынып оқушыларына салтанатты түрде «1 қыркүйек» желісінде таратылды.
Биылғы жылы 3,7,8 сыныптарға арналған информатика оқулықтары 3776 данаға жаңартылды.
Қоғамдық-гуманитарлық бағыттағы 10 сыныпқа арналған екі тілде оқытатын оқулықтар 840 дананы құрады.
2021 жылдың 1 қыркүйегіне барлық жалпы білім беретін мектептерде мектеп кітапханалары қорынан 1-11 сынып оқушылары 100% оқулықтар алды.
ҚО ББ "Шахтинск қаласының білім бөлімі " ММ басшысы Н.Онсович