Мектеп формасының маңыздылығы
Мектеп формасын кию сыртқы келбетке деген талапшылдықты, мінез - құлықтың белгілі бір үлгісін қалыптастырады және қарым - қатынасқа сенімділік береді. Жаңа талаптар әлеуметтік теңсіздікті толықтай жояды, мемлекеттің зайырлы бағытқа ұмтылуына баса назар аударады, сонымен қатар балаларды тәртіпті етеді.
Барлық жалпы білім беретін мектептерінде міндетті талаптардың бірі бірыңғай мектеп формасын кию болып табылады. ҚР білім және ғылым Министрінің 2016 жылғы 14 қаңтардағы № 26 «Орта білім беру ұйымдары үшін міндетті мектеп формасына қойылатын талаптарды бекіту туралы» бұйрығы және білім беру ұйымының Жарғысы бойынша мектеп формасын кию туралы шешім қабылданады. Қорғаншылық кеңестің келісімі бойынша мектеп директорының бұйрығымен оны кию тәртібі бекітіледі.
Білім берудің зайырлы сипаты үш түстен аспайтын араластыруға рұқсат етілген бірыңғай көк түсте жасалған классикалық стильдегі мектеп формасын қарастырады. Түстер жарқын реңктермен емес, тыныштықпен таңдалады. Шахтинск қаласында 12 жалпы білім беретін мектебі өз қызметін жүзеге асырады. Мектеп формасының түсі қою көк (шалбар, юбка, сарафан, көйлектің түсі көк, көгілдір, ақ).
Мектеп формасына қатысты толық ақпаратты Шахтинск қадасының білім бөлімінің сайтынан қарауға болады.
ҚО ББ «Шахтинск қаласының білім бөлімі» ММ басшысы Н.Онсович