«Жүректен-жүрекке»
«Мектепке жол» жалпыреспубликалық акциясы 2021 жылдың 1 шілдесінде басталды.
Дәстүр бойынша Шахтинск өңірінде жыл сайын қайырымдылық іс-шараларын өткізу, бюджеттен тыс қаражат есебінен, демеушілер есебінен балаларға материалдық көмек көрсету, қала мектептерінің шағын аудандарын аралау жоспарланған.
Жыл сайынғы «Мектепке жол» республикалық акциясы халықтың әлеуметтік қорғалмаған топтарындағы балаларды мектепке жинау бойынша қайырымдылық көмек көрсетуге, сондай-ақ әлеуметтік себептер бойынша мектепке бармайтын балаларды анықтауға бағытталған. Материалдық және қаржылық көмек балаларға бюджеттен тыс қаражат есебінен, бизнесмендер (демеушілер, меценаттар) және жай қамқор адамдар есебінен көрсетіледі.
Сондай-ақ, акция барысында құқық қорғау органдарымен бірлесіп, оқумен қамтылмаған балаларды анықтау үшін адамдар көп жиналатын жерлерде аулаларды аралау және рейдтік іс-шаралар өткізілетін болады. Шахтинск өңірінің барлық білім беру ұйымдарында әлеуметтік қолдауға мұқтаж балаларға көмек көрсету бойынша мектеп іс-шаралары, атап айтқанда жаңа оқу жылы қарсаңында мектеп оқушыларына сыйлықтар тапсыру бойынша қайырымдылық акциялары өткізілетін болады.
Әрбір білім беру ұйымында сенім телефоны, «жедел желі», азаматтардың өтініштеріне жедел жауап беру үшін қоғамдық қабылдау бөлмесі, аз қамтылған отбасылардан шыққан балаларға көмек жинау пункті жұмыс істейді.
Жыл сайын өңірдің мемлекеттік органдары, ұйымдары мен бизнес-құрылымдары өмірлік қиын жағдайға тап болған отбасыларды қолдай отырып, бей-жай қарамайды. Жаңа оқу жылы қарсаңында егер қаламыздың әрбір тұрғыны әлеуметтік осал отбасылардың балаларына бей-жай қарамаса, онда мектептерге бару артады, демек, жалпы білім деңгейі артады, сондықтан мұндай акциялар бір реттік сипатта емес, ілгерілеуі тиіс.
Акцияны өткізу немесе балаларға көмек көрсету бойынша барлық сұрақтар бойынша Қарағанды облысы білім басқармасының «Шахтинск қаласының білім бөлімі» ММ-не 64891 телефоны бойынша, сондай-ақ Шахтинск өңірінің білім беру ұйымдарына хабарласа аласыз.
ҚО ББ «Шахтинск қаласының білім бөлімі» ММ басшысы Н.Онсович