Шектеу шаралары кезеңінде мектепке дейінгі тәрбие мен оқытуға мемлекеттік білім беру тапсырысының көлемі мен мөлшерін айқындау туралы

ҚАУЛЫСЫ № 06/03 2021 жылғы «21» қаңтар, Қарағанды қаласы

Қазақстан Республикасының 2007 жылғы 27 шілдедегі «Білім туралы», 2016 жылғы 6 сәуірдегі «Құқықтық актілер туралы» заңдарына, Білім және ғылым министрінің 2016 жылғы 29 қаңтардағы №122 «Еңбек нарығының қажеттіліктерін ескере отырып, техникалық және кәсiптiк, орта бiлiмнен кейiнгi, жоғары және жоғары оқу орнынан кейiнгi бiлiмi бар кадрларды даярлауға, жоғары және (немесе) жоғары оқу орнынан кейінгі білім беру ұйымдарының дайындық бөлімдеріне, сондай-ақ мектепке дейінгі тәрбиелеу мен оқытуға, орта білім беруге мемлекеттiк бiлiм беру тапсырысын орналастыру қағидаларын бекіту туралы» бұйрығына, Қарағанды облысының Бас мемлекеттік санитариялық дәрігерінің 2020 жылғы 17 қазандағы
№ 39-қ «Қарағанды облысында шектеу іс-шараларын күшейту туралы» қаулысына сәйкес Қарағанды облысының әкімдігі ҚАУЛЫ ЕТЕДІ:

1. Тиісті мемлекеттік органдардың шектеу шараларының қолданылу кезеңіне, оның ішінде нәтижесінде балалар мектепке дейінгі ұйымдарға бармайтын карантин кезеңінде Қазақстан Республикасының нормативтік құқықтық актілеріне сәйкес мектепке дейінгі тәрбие мен оқытуға мемлекеттік тапсырысты толық көлемде және мөлшерде қаржыландыруды айқындасын.
2. «Қарағанды облысының білім басқармасы» мемлекеттік мекемесі осы қаулыдан туындайтын шараларды қабылдасын.
3. Осы қаулының орындалуын бақылау облыс әкімінің жетекшілік ететін орынбасарына жүктелсін.

Қарағанды облысының әкімі        Ж. Қасымбек

Орынд.: Г. Қожахметова

Тел.: 8 (7212) 41-13-19