2020 жылдың 25 қыркүйегінде Осакаров ауданының аумағында "Түнгі қаладағы балалар" жедел профилактикалық іс-шарасы өткізілді. Іс-шараның мақсаты: ювеналды полиция органдарында есепте тұрған қолайсыз отбасыларды тексеру; түнгі уақытта заңды өкілдерінің еріп жүруінсіз мектеп жасындағы кәмелетке толмағандарды анықтау.Қатысушылар: кәмелетке толмағандардың істері және олардың құқықтарын қорғау жөніндегі комиссия, кенттер мен ауылдық округтердің әкімдіктері, білім бөлімі, білім беру ұйымдары, ювеналды полиция, жұмыспен қамту және әлеуметтік бағдарламалар бөлімі, БАҚ.
Рейдтік іс-шара барысында 37 қолайсыз отбасы, 7 дүкен, 3 кафе, 2 автожуу, 2 теміржол вокзалы, саябақтар және т.б. тексерілді.Рейдтік іс-шара қатысушыларымен профилактикалық әңгімелесулер жүргізілді. Одан басқа, түнгі сағат 23:41-де заңды өкілдерінің еріп жүруінсіз жүрген үш кәмелетке толмаған бала анықталды. Аталған кәмелетке толмағандар үйлеріне жеткізіліп, ата-аналарымен профилактикалық әңгімелесу жүргізілді ("Әкімшілік құқық бұзушылық туралы" ҚР Кодексінің 442-бабы "Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы" түсіндірілді. Ювеналды полиция инспекторымен хаттама толтырылып, ескерту жасалды.