7,13 ақпан күні жалпы білім беретін пәндер бойынша 7-8 сынып оқушыларына арналған республикалық олимпиаданың аудандық кезеңі өткізілді.
Олимпиаданың аудандық кезеңіне білім беру ұйымдарының 197 оқушысы қатысты.
Олимпиаданың мақсаты- республикалық пәндік олимпиадаларға қатысу үшін жоғары ынталы білім алушыларды анықтау, оқушылардың интеллектісі мен ғылыми білімге деген қызығушылығын арттыру және дамыту.
Олимпиада қоғамдық-гуманитарлық және жаратылыстану-математикалық бағыттағы пәндер бойынша өткізілді.
Қоғамдық-гуманитарлық бағыт Қазақстан тарихын, Қазақ тілі мен әдебиетін, қазақ тілінде оқытатын мектептердегі Орыс тілін, Орыс тілі мен әдебиетін, орыс тілінде оқытатын мектептердегі Қазақ тілін, Ағылшын тілін қамтиды.
Жаратылыстану-математикалық бағыт Математика,Информатика, География, Физика, Химия және Биология пәндері бойынша жүргізілді.
Аудандық кезеңнің жеңімпаздары облыстық кезеңге қатысады.