«Wind Voyage» үрмелі аспаптар квинтетімен кездесу болды

3 мамыр күні Балалар өнер мектебі-ЮНЕСКО клубынада Нұр-Сұлтан қаласынан келген «Wind Voyage» үрмелі аспаптар квинтетімен кездесу болды. Квинтет құрамында жерлесіміз Нельдыбаев Асет, Айгерим Дауытбаева, Жанат Жакаев, Дамиля Махпирова, Алмаз Токпанов болды. Келген музыкант қонақтарымыз оқушыларға естен кетпес кездесу сыйлады. Әр музыкант өздерінің музыка әлеміне қалай келгендері туралы қызықты, әрі көңілді сәттерін айтып, оқушыларымыздың өнерге деген қызығушылығын арттыруға септігін тигізді. Флейта сыныбы оқушыларының тарту еткен шығармаларын үлкен ықыласпен тыңдап, балғындарға өз мақсатына жетіп, өнердің биік шыңын бағындыруларына сәттілік тілеп, жылы қарсы алғандары үшін, жылы лебіздері мен қуанышты көзқарастары үшін алғыстарын білдірді! Флейта сыныбының оқушылары шағын сувенирлер тарту етіп, мектеп директоры Жексембекова Г.С.ұжым атынан алғыс тапсырды.