балалар Парламентінің қызметі

Ағымдағы жылдың наурыз айынан бастап барлық өзін –өзі басқару ұйымының активтері, мектеп парламенті түрінде бірыңғай құрылымдық модельде өз жұмысын бастады. Оқу жылының соңында мектеп парламенттерін құру мақсатында қаланың барлық мектептерінде мектеп парламенті мен парламенттік фракциялардың президентіне сайлау өтті. Сайлау нәтижесінде мектеп парламентінің 17 президентінің есімі берілді. Дәл осы оқушылар Оқушылар сарайының негізінде құрылған қалалық мектеп парламентінің мүшесі құрамына кіріп, өз қызметтерін жаңа оқу жылында бастады. Ал мектеп парламентінің қызметіндегі бірінші үлкен оқиға 2021 жылдың 16 қыркүйегінде өтетін қалалық мектеп парламентінің президентін сайлау болады. Қалалық парламент президенті жасырын дауыс беру арқылы қалалық мектеп парламентінің бірінші отырысында мектеп парламентінің президенттерінің арасынан сайланады. Біз қалалық Парламенттің лидері мен жетекшісі кім болатынын әлі білмейміз, бірақ 17 оқушының әрқайсысы осы лауазымды иеленуге және барлық идеяларды жүзеге асыру кезінде өзіне жүктелген міндеттердің орындалуына жеке жауапкершілікпен қарауға лайық.
Жақсы құрылған жастар саясаты, жастардың бойына азаматтық пен патриотизм туған жерге деген сүйіспеншілік идеяларын сіңіру-біздің қоғамның тұрақты дамуының маңызды факторларының бірі.