Министрлік халықаралық қаржы ұйымдарымен (бұдан әрі – ХҚҰ), донор-елдермен сыртқы көмекті үйлестіру және олардың қызметі (гранттар/техникалық көмек) мәселелері бойынша өзара іс-қимылды жүзеге асырады.
Атап айтқанда, Дүниежүзілік банк тобымен, Азия даму банкімен, Еуропа қайта құру және даму банкімен, Азия инфрақұрылымдық инвестициялар банкімен, Ислам даму банкімен және басқа да ХҚҰ-мен, сондай-ақ донор-елдермен және донор-ұйымдармен (БҰҰДБ, GIZ, JICA, KOICA және басқа) өзара іс-қимыл жүргізілуде.
Сондай-ақ, Орталық Азия өңірлік экономикалық ынтымақтастық бағдарламасының (CAREC) желісі бойынша өзара іс-қимыл жүзеге асырылады.
Сонымен қатар, ХҚҰ-мен бағдарламалық құжаттарды келісу бойынша жұмыс жүргізіледі, ХҚҰ-мен өзара іс-қимыл бойынша мемлекеттік органдар қызметінің және жұмысының негізгі бағыттары бойынша ұсыныстар қаралады, ХҚҰ-мен негіздемелік келісімдерді іске асыру жөніндегі үйлестіру кеңесінің қызметі қамтамасыз етіледі, сондай-ақ бірлескен зерттеулер жүргізу бойынша жұмыс жүргізіледі.