«Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу және бағалау және бюджеттік кредиттеудiң орындылығын айқындау қағидаларын бекіту туралы» Қазақстан Республикасы Ұлттық экономика министрінің 2014 жылғы
5 желтоқсандағы № 129 бұйрығына толықтыру енгізу туралы
БҰЙЫРАМЫН:
көрсетілген бұйрықпен бекітілген Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу және бағалау және бюджеттік кредиттеудің орындылығын айқындау қағидаларында:
мынадай мазмұндағы 4-1-тармақпен толықтырылсын:
«4-1. Қазақстан Республикасы Президентінің тапсырмасы бойынша іске асырылатын Жамбыл және Солтүстік Қазақстан облыстарында және Нұр-Сұлтан қаласында денсаулық сақтау, білім беру, тұрғын үй құрылысы салаларында үлгілік объектілер салу жөніндегі инвестициялық жобалар бойынша инвестициялық ұсыныстар әзірлеу талап етілмейді.»;
мынадай мазмұндағы 23-1-тармақпен толықтырылсын:
«23-1. Қазақстан Республикасы Президентінің тапсырмасы бойынша іске асырылатын Жамбыл және Солтүстік Қазақстан облыстарында және Нұр-сұлтан қаласында денсаулық сақтау, білім беру, тұрғын үй құрылысы салаларында үлгілік объектілер салу жөніндегі жобалар іске асырылған жағдайда бюджеттік инвестицияларды жоспарлау мынадай тәртіппен жүзеге асырылады:
1) «Қазақстан Республикасындағы сәулет, қала құрылысы және құрылыс қызметі туралы» 2001 жылғы 16 шілдедегі № 242 ҚРЗ 20-бабының 6-2) тармақшасы негізінде құрылыс және сәулет қызметі саласындағы уәкілетті орган әзірлеген пилоттық жобаны іске асыру шеңберінде құрылыстың сметалық құнын айқындау жөніндегі нормативтік құжатқа сәйкес жобаны әзірлеу;
2) салалық мемлекеттік органдарға бюджеттік өтінімдерді жіберу арқылы тиісті ЖАО-ның жобаға бастамашылық етуі;
3)салалық мемлекеттік органдардың бюджеттік өтінімдерін қарау;
4) салалық мемлекеттік органның жиынтық бюджеттік өтінімді бюджеттік жоспарлау жөніндегі уәкілетті органға енгізуі;
5) бюджеттік жоспарлау жөніндегі уәкілетті органның бюджеттік өтінімді қарауы;
6) республикалық бюджет комиссиясының қарауына шығару;
7) «Республикалық бюджет туралы» ҚРЗ және Қазақстан Республикасы Үкіметінің қаулысын дайындау;
8) республикалық бюджет комиссиясының шешімі, «Республикалық бюджет туралы» ҚРЗ және іске асыру туралы Үкіметтің қаулысы негізінде облыстық бюджет комиссиясын және пилоттық жобаларды бірлесіп қаржыландыру жөніндегі мәслихат сессиясын өткізу;
9) бюджеттік жоспарлау жөніндегі уәкілетті орган бекіткен тәртіппен мемлекеттік сатып алу рәсімінің өтуі.».
1) осы бұйрықты Қазақстан Республикасының Әдiлет министрлiгiнде мемлекеттiк тiркеуді;
2) осы бұйрықты Қазақстан Республикасы Ұлттық экономика министрлігінің интернет-ресурсында орналастыруды;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Ұлттық экономика министрлігінің Заң департаментіне ұсынуды қамтамасыз етсін.
«КЕЛІСІЛГЕН»
Қазақстан Республикасының
Қаржы министрлігі
___________________