«Жеке кәсіпкерлікті мемлекеттік қолдау шараларын ұсынуға арналған үлгілік нысандарды бекіту туралы» Қазақстан Республикасы Премьер-Министрінің орынбасары – Ұлттық экономика министрі бұйрығының жобасы

1.

НҚА жобасының атауы (НҚА түрін көрсете отырып)

 «Жеке кәсіпкерлікті мемлекеттік қолдау шараларын  ұсынуға арналған үлгілік нысандарды бекіту туралы» Қазақстан Республикасы Премьер-Министрінің орынбасары – Ұлттық экономика министрі бұйрығының жобасы  (бұдан әрі – Жоба).

2.

Әзірлеуші мемлекеттік орган

Қазақстан Республикасының Ұлттық экономика министрлігі.

3.

НҚА жобасын әзірлеу үшін негіздемелер

(тиісті НҚА-ға немесе тапсырмаға (болған жағдайда) сілтеме жасай отырып)

Қазақстан Республикасы Кәсіпкерлік кодексінің 99-бабының 5) тармақшасына сәйкес әзірленді.

4.

НҚА жобасының қысқаша мазмұны, негізгі ережелердің сипаттамасы

Жобамен «Жеке кәсіпкерлікті мемлекеттік қолдаудың кейбір шаралары туралы» Қазақстан Республикасы Үкіметінің 2024 жылғы 17 қыркүйектегі
№ 754 қаулысына сәйкес мемлекеттік гранттар беру кезінде қолданылатын құжаттардың үлгілік нысандарын, сондай-ақ жетіспейтін инженерлік инфрақұрылымды жеткізуді қаржыландыруға арналған электрондық өтінім нысанын бекіту көзделеді.

5.

Күтілетін нәтижелердің нақты мақсаттары мен мерзімдері

Жеке кәсіпкерлікті мемлекеттік қолдау шараларын ұсынуға арналған құжаттардың үлгілік нысандарын бекіту.

6.

Жоба қабылданған жағдайда болжанатын әлеуметтік-экономикалық, құқықтық және (немесе) өзге де салдарлар

Жобаны қабылдау кері әлеуметтік-экономикалық және (немесе) құқықтық салдарларға әкеп соқпайды.