Жоғарғы Сот Алматы қаласы бойынша экология департаментінің екі ұйғарымын күшінде қалдырды

2020 жылдың соңында Алматы қаласы бойынша экология департаменті Алматы қаласы, Наурызбай ауданы, Абай саяжайлары тұрғындарының ұжымдық өтініші негізінде ашылған "Qazaq Stroy" ЖШС (бұдан әрі-серіктестік) компаниясында жоспардан тыс тексеру жүргізді.

Тексерумен кең таралған пайдалы қазбаларды, атап айтқанда, "Алма Сити"көп пәтерлі тұрғын үйлердің құрылысы кезінде іргетасты тығыздау үшін кейіннен пайдалана отырып, аса ірі көлемдегі қиыршықтас-құм қоспасын заңсыз өндіру анықталды.

Бұдан басқа, аса ірі мөлшерде рұқсат етілмеген топырақ үйіндісі мен құрылыс қалдықтарының қоқыстануы және пайда болу фактісі анықталды, онда серіктестік топырақты өз қазаншұңқырларынан шығарады және осы жер учаскесінде рұқсат құжаттарынсыз сақтайды.

Осылайша, серіктестіктің заңсыз қызметінің салдарынан мемлекетке 3 564 754 261 теңге сомасында залал келтірілген, оның ішінде жер қойнауын өз бетінше пайдаланғаны және атмосфералық ауаға зиянды заттардың шығарылғаны үшін.

Экология департаменті компанияны тексеру қорытындысы бойынша қоршаған ортаға келтірілген зиянды келтірілген залал мөлшерінде өтеу туралы екі ұйғарым берді.

2021 жылы мемлекетке залал келтіру фактісі бөлігіндегі нұсқамалармен келіспеген серіктестік бірінші сатыдағы сотқа олардың күшін жою туралы шағым берді.

Алматы қаласының мамандандырылған экономикалық сотының шешімдерімен серіктестіктің шағымдары қанағаттандырудан бас тартылды, экология департаментінің екі ұйғарымы да заңды деп танылды. Осылайша серіктестіктің зиян келтіру фактісі расталды.

Бірінші сатыдағы соттың шешімін кейіннен серіктестік апелляциялық және кассациялық сатыдағы соттарға шағым түсірді.

Істің соңғы қаралуы 2022 жылдың маусымында аяқталды.

Қазақстан Республикасының Жоғарғы Соты өзінің ағымдағы жылғы 21 маусымдағы қаулысымен бірінші және апелляциялық сатылардағы соттардың берілген нұсқамалардың заңдылығы туралы тұжырымдарымен келісті.

Қазіргі уақытта мәжбүрлеп өндіріп алу бойынша процесс жүргізілуде.