Сотталғандар санағы

ЕС-164/3,6,9 мекемелерінде, сондай – ақ СҚО бойынша ҚАЖ департаментінің тергеу изоляторында ведомстволық бөлімше басшыларының бұйрықтарымен Солтүстік Қазақстан облысында жазасын өтеп жатқан сотталғандар санағы бойынша жұмыс комиссиялары құрылды.

Бүгінгі таңда облыс ҚАЖ мекемелерінде 1000-нан астам сотталған жазасын өтеп жатыр.

СҚО статистика департаменті ҚАЖ қызметкерлерінің халық санағы бойынша ақпаратты жеткізе отырып, оқыту сабақтарын өткізе отырып жиналыс өткізді.

ҚАЖ мекемелерінің жауапты қызметкерлеріне электрондық планшеттер, сондай-ақ санақ логотиптері бар арнайы сөмкелер берілді.

Интервьюер ретінде мекемелердің арнайы есеп бөлімінің қызметкерлері жұмылдырылды. Санақ парақтарында сотталғандардың сауалнамалық деректеріне ғана емес, сондай-ақ білім, жұмысқа орналасу, ана болу және т.б. туралы түрлі әлеуметтік мәселелерге қатысты мәселелер қамтылған. Алынған мәліметтер статистика департаментіне беріледі.

Ұлттық санақтың нәтижелері соңғы онжылдықта қоғамда болған әлеуметтік өзгерістерді нақты көруге мүмкіндік береді, бұл өз кезегінде қазақстандықтардың өмірін жақсарту үшін елдің одан әрі саяси, экономикалық және әлеуметтік дамуын болжауға мүмкіндік береді.

Қылмыстық-атқару жүйесі мекемелеріндегі халық санағы жөніндегі іс-шаралар 2021 жылғы 1-30 қазан аралығында Солтүстік Қазақстан облысы ҚАЖ мекемелерінде ұсталатын әрбір сотталғанға (тергеу-қамауға алынғанға) сұрау салу жолымен өтетін болады. Бүгінгі күні сотталғандар мен тергеу қамауындағылардың 40% астамы санақтан өтті.