Жақсылық қорабы

СҚО бойынша ҚАЖД Ақжар аудандық пробация қызметі бөлімінің қызметкерлері көп балалы отбасына қайырымдылық көмек көрсетті.

Сотталған В. аудан орталығына жақын ауылда тұрады, фермада малшы болып жұмыс істейді. Сотталғанды тұрғылықты мекен-жайы бойынша тексеру кезінде отбасының көп қиындықтарға тап болғандығы анықталды.

- Біз бұл отбасыға азық-түлікпен, сондай-ақ балаларға арналған тәттілермен көмек көрсету туралы шешім қабылдадық. Сотталған В. зайыбымен бірге 5 бала тәрбиелеп отыр. Жұмысқа орналасуға көмек көрсетілді. Сондай - ақ, осы отбасына алдағы уақытта да көмек көрсететін боламыз. Жыл басынан бері 6 отбасына көмек көрсетілді, - СҚО бойынша ҚАЖД Ақжар ауданының ПҚБ бастығы әділет майоры Ерлан Хасенов.