Көршісін өрттен құтқарған ҚАЖ қызметкері Президент марапатын алды.
l
Жас офицер "Ерлік үшін" медаліне ие болды.
Ағымдағы жылдың қаңтар айында түнгі сағат бір шамасында Павлодар облысы Успен ауданының пробация қызметінің қызметкері күйік иісін сезіп, көшеге шығып, көршісінің жанып жатқан үйін көрді. Бір минут та жоғалтпай, пробация қызметінің инспекторы Нұржан Төлеген жанып жатқан үйге, онда біреу бар-жоғын тексеруге асықты. Ішке кіріп, диванда жатқан көршісін көрді. Нұржан ер адамды қолына алып шығарды және жедел жәрдем мен өрт сөндіру қызметін шақырды. Дәрігерлер келгенге дейін Нұржан алғашқы медициналық көмек көрсетті, ер адамның ес-түссіз екені белгілі болды. Жедел жәрдем келгенге дейін ол өзіне келді.
- Шынымды айтсам, бәрі тез болды, ойлануға уақыт болмады. Мен зардап шеккен адамды дәрігерлерге тапсырғаннан кейін мен көшеде тәпішке киіп жүргенімді көрдім. Мен құрбандарсыз болғаныма қуаныштымын.- дейді пробация инспекторы.
Зардап шеккен 1966 жылы туған ер адам улы газбен аудандық ауруханаға жатқызылды. Өкінішке орай, үй өртенін кетті, тек қабырғалары қалды.
Сондай-ақ, аға лейтенант Төлеген өрт сөндірушілерге үйде газ баллон бар екенін хабарлады. Бақытымызға орай, алынған ақпараттың арқасында баллон шығарылды.
2017 жылғы желтоқсаннан бастап аға лейтенант ҚАЖ-да қызмет етеді. Қызметін АП-162/1 мекемесі тергеу изоляторының бақылаушы лауазымынан бастаған. Қазір ол Павлодар облысы Успен ауданының пробация қызметінің аға инспекторы. Айта кетейік, жақында Нұржан отбасын құрды.
-Біз қылмыстық-атқару жүйесінің қатарында қызметтік міндеттерін атқару кезінде емес, адамдардың өмірін құтқаратын және басқа адамдардың қайғысына бей-жай қарамайтын лайықты қызметкерлер қызмет ететініне қуаныштымыз. Жеке құраммен жұмыс істеу және жұмыс істеп жүрген қызметкерлерді алғашқы медициналық көмек көрсету қағидаларына оқыту әрдайым басымдыққа ие. Нұржанды құттықтаймыз, бұл жас офицерлер үшін лайықты үлгі - дейді Павлодар облысы бойынша ҚАЖ департаментінің бастығы Әділет Мұстафинов. Жас офицер лайықты марапатты ІІМ министрі Ерлан Тұрғымбаевтың қолынан алды.
Айта кету керек, бұл ҚАЖ қызметкерлерінің адам өмірін құтқарған алғашқы жағдайы емес. 2019 жылы колония қызметкері пышақ жарақатымен ер адамды құтқарды, сондай-ақ пробация қызметкері суға батып бара жатқан қызды судан шығарды.