Павлодар қалаларындағы аллеялар жаңа көшеттермен толықты .

Орал қаласының тұрғындары мен қонақтары қалалық мәдениет және демалыс саябағында канадалық үйеңкінің оюланған жапырақтарын тамашалай алады.

Мемлекет басшысының Қазақстан өңірлерін ауқымды көгалдандыру туралы тапсырмасын орындау мақсатында Батыс Қазақстан және Павлодар облыстары бойынша қылмыстық-атқару жүйесі департаменттерінің пробация қызметкерлері 40-тан астам жас бөртегүл және 14 канадалық үйеңкі көшеттерін отырғызды.

Эстафета Павлодар облысы бойынша ҚАЖ департаментінің пробациялық бақылау қызметкерлерімен жалғасты. Пробация қызметінде есепте тұрған волонтер-сотталғандармен, «Павлодар технологиялық колледжі» басшысының орынбасары және бірінші курс студенттерімен бірлесіп, олар колледж аумағында 40-тан астам сирень көшеттерін отырғызды.

Ағаштар алдын ала анықталған жерге отырғызылды, болашақта гүлдер отырғызылған аллея жасау жоспарлануда.

«Акцияның мақсаты - өскелең ұрпақты патриоттық рухқа тәрбиелеу, сотталған азаматтарды түзету, экологиялық мәдениетті қалыптастыру, сондай-ақ Отанға деген сүйіспеншілікке негізделген азаматтық сана-сезімді арттыру», - дейді Павлодар қаласы пробация қызметінің бастығы әділет майоры Әсет Мыңжасаров.

 

Қызмет басшыларының айтуынша, қала аумағын көгалдандыру және абаттандыру жұмыстары мұнымен аяқталмақ емес.