Павлодар облысында ҚАЖ департаментінің 2025 жылғы қызмет қорытындылары бойынша кеңес өтті

Павлодар облысы бойынша Қылмыстық-атқару жүйесі департаментінің бастығы Дәулет Рахимбековтың төрағалығымен 2025 жылдың 12 айындағы қызметтік қызмет қорытындылары бойынша кеңес өтті.

Іс-шараға департамент басшылығы, қызметтер мен мекемелердің басшылары, сондай-ақ жеке құрам қатысты. Кеңес барысында өткен жылғы жедел-қызметтік қызметтің қорытындылары шығарылып, қол жеткізілген нәтижелер талданып, алдағы кезеңге арналған жұмыстың басым бағыттары айқындалды.

Кеңес аясында департамент басшылығы мен бағынысты мекемелердің басшыларының есептері тыңдалды. Анықталған кемшіліктер атап өтіліп, оларды жою бойынша басшылардың жеке жауапкершілігіне баса назар аудара отырып, нақты тапсырмалар берілді.

Өз сөзінде департамент бастығы жеке құрамды Ішкі істер министрлігінің алқа отырысында қаралған негізгі мәселелермен таныстырды. Сонымен қатар, ол Мемлекет басшысының бастамасымен Қазақстан Республикасында 2026 жыл Цифрландыру және жасанды интеллект жылы болып жарияланғанын атап өтті. Аталған бағыттар алдағы уақытта ішкі істер органдары мен қылмыстық-атқару жүйесі қызметінің басым бағыттарының бірі болатынын жеткізді.