Ашық есік күні

Сотталғандарды еңбекпен қамтуды қамтамасыз ету, өндірістік қуаттарды жүктеу және сотталғандар үшін жаңа жұмыс орындарын құру мақсатында, АК-159/7 мекемесінің әкімшілігі Шахтинск қаласы әкімдігінің қолдауымен 2022 жылғы 13 сәуірде №6 және №7 өндірістік учаскелер үшін шағын және орта бизнес субъектілерінің, сондай-ақ жергілікті атқарушы органдар өкілдерінің қатысуымен "Ашық есік күні" өткізілді.

Іс-шараға Новодолинский кентінің әкімі Исатаев Е. С., Шахан кентінің әкімі Өмірбеков Г. А., "Шахтинск қаласының кәсіпкерлік және ауыл шаруашылығы бөлімі" ММ басшысы Акишев А. Д., "Шахтинск қаласының кәсіпкерлік және ауыл шаруашылығы бөлімі" ММ кәсіпкерлік және өнеркәсіп секторының меңгерушісі Садвакасова С. К., "Шахтинскводоканал" ЖШС өкілі, жастар секторының меңгерушісі,  "Қарағанды кірпіш зауыты" ЖШС директоры Б.К. Гадаев, сондай-ақ Шахтинск қаласының жеке кәсіпкерлері қатысты.

АК-159/6 және АК-159/7 мекемелерінің аумағында орналасқан өндірістік учаскелер бойынша экскурсия жүргізілді, әрі қарай қонақтардың назарына №7 Өндірістік учаске дайындайтын дайын өнімнің көрмесі ұсынылды.

Қонақтардың назарына жарма өңдеу цехы, пресс цехы, сондай-ақ бірлескен өндірістер мен ынтымақтастық қызметін құруға жарамды бас ғимарат сияқты тоқтап тұрған цехтар ұсынылды. Шахтинск аймағындағы кірпіш өндіретін ең ірі өндірістердің бірі "Қарағанды кірпіш зауыты" ЖШС директоры Б.К. Гадаев Пресс цехының ғимаратына қызығушылық танытты.

Іс-шара аяқталғаннан кейін қатысушыларға осы іс-шараға қатысқаны үшін алғыс білдірді, ал Б.К. Гадаев мырза және біріккен өндірістік учаскенің бастығы И.Я. Гертель, учаскенің өндірістік қуаттарының мүмкіндіктерін талқылау үшін кездесуге келісті.