1-маусым "Балаларды Қорғау күні"

1 маусым «Балаларды қорғау күні» мерекесі қарсаңында  ағымдағы жылдың 31 мамырында Алматы  «Динамо» дене шынықтыру және спорт қоғамының  Жастар жылына арналған "Жас Динамо марафоны" спорттық мерекесі  ұйымдастырылды. Аталған  іс-шараға Алматы қаласы бойынша ҚАЖ Департаменті атынан  қызметкерлердің 10-14 жас аралығындағы ұл-қыздары қатысты, спорттық іс-шарада Қазақстан Республикасының еңбек сіңірген спортшылары, яғни  Дмитрий Игоревич Баландин - Жүзу бойынша Қазақстан тарихындағы тұңғыш  олимпиада чемпионы, Зүлфия Салахарқызы Чиншанло қазақстандық ауыр атлет, 2009, 2011 және 2014 жылдары әлем чемпионы, Нұрислам Санаев - еркін күресші және тағыда басқа спорт шеберлері жас ұрпаққа және өткізілетін іс-шараға қатысқан ұл-қыздарға сәттілік тілеп, мерекелерімен құттықтады. Іс-шарада  "Кім жылдам" эстафетасы, АКМ бөлшектеу және құрастыру,  дартс бойынша жарыстар (магниттерде),  60 м-ге жүгіру, 100 метрге жүгіру сынды спорт түрлерінен жарыстар ұйымдастырылды.  Өзін жүйрік көрсетіп, жүлделі орынға ие болған жас спортшыларға сый-сыйапаттар табысталды.  Алматы қаласы бойынша ҚАЖД кадр саясаты тобы.