Кәмелет жасқа толмағандармен жұмыс

15 жастағы жасөспірім қызға қатысты, ұрлық жасағаны үшін сотқа дейінгі пробация жүргізілуде. Қыздың өзі түсіндіргендей «ұялы телефон ұрлаған». Енді кәмелетке толмаған қыз әкесімен бірге пробация қызметінің инспекторына әлеуметтік-тұрмыстық сипаттамаларды және барлық ілеспе іс-шараларды анықтау үшін баруда. Барлық деректердің негізінде сотқа дейінгі баяндама толтырылып, ол да сот отырысы кезінде ескеріледі.

Сотқа дейінгі пробация – күдіктінің, айыпталушының мінез-құлқын түзеуге бағытталған, оларға әлеуметтік-құқықтық көмек көрсету жөніндегі қызмет пен шаралар жиынтығы. Кәмелетке толмағандар, мүгедектер, елу сегіз жастағы және ол жастан асқан әйелдер, жүкті және үш жасқа дейінгі жас балалары бар әйелдер; сондай-ақ алпыс үш жастағы және ол жастан асқан ер адамдар және үш жасқа дейінгі жас балаларды жалғыз өзі тәрбиелеп отырғандарға қатысты қолданылады.