Тәжірибе арқылы оқыту

"Табысқа қол жеткізгің келсе, кез келген істе тәжірибе жасау керек" деген ұранмен 2019 жылдан бастап ШҚО бойынша ҚАЖ Департаменті С. Аманжолова атындағы ШКМ Университетімен дуальды оқыту туралы келісім-шарт жасасты.

Дуальды оқытудың мақсаты білім алушылардың жоғары кәсіптік білім берудің "Психология" білім беру бағдарламасын сапалы меңгеруі, сондай – ақ олардың пенитенциарлық психология саласында практикалық жұмыс дағдыларын меңгеруі болып табылады.

Ағымдағы жылдың сәуір айында С. Аманжолова атындағы ШҚМУниверситетінің "психология" мамандығының 3 курс 10 студенті ОВ-156/22 мекемесіне (қауіпсіздігі барынша төмен мекеме) барып, практикалық сабақ өткізді.

Аға инспектор– психолог әділет капитаны В.А. Маардың басшылығымен студенттер сотталғандарды олардың психологиялық ерекшеліктерін ,мінез-құлқын анықтауға диагностикалық тексеру жүргізді, сондай-ақ сабақ барысында психологиялық қорытынды жасау бойынша ұсыныстар берілді. "Шеберлік тек тәжірибемен келеді, мұндай сабақтарды өткізу болашақ мамандардың қалыптасуына ықпал етеді", - дейді біздің мамандар.