Қазақстан Республикасы ІІМ Ш. Қабылбаев атындағы Қостанай академиясына Қазақстанның әр өңірінен біліктілікті арттыру курсына келген Қылмыстық-атқару жүйесінің тәрбиелік бөлімдерінің қызметкерлері үшін Қостанай облысы бойынша ҚАЖ департаментінің ұйымдастыруымен №38 мекемесіне таныстыру экскурсиясы өткізілді. Іс-шара барысында қызметкерлер мекемедегі тәрбие жұмысын ұйымдастыру, сотталғандарды ұстау режимінің сақталуы, сондай-ақ сотталғандарды жұмыспен қамту бағыттарымен танысты. Экскурсия барысында тәрбиелік жұмыстың практикалық аспектілеріне және сотталғандарды қайта әлеуметтендіруге бағытталған жұмыстарға ерекше назар аударылды. Кездесу барысында Қазақстанның әр өңірінен келген қызметкерлер өзара тәжірибе алмасып, тәрбие жұмысын ұйымдастырудағы тиімді тәсілдерімен бөлісті.