АСТАНАДА ҰҚШҰ ЕЛДЕРІНІҢ БАС НАРКОЛОГТАРЫ ПСИХОАКТИВТІ ЗАТТАРДЫ МЕДИЦИНАЛЫҚ ЕМЕС ТҰТЫНУМЕН БАЙЛАНЫСТЫ ЖАҒДАЙДЫ ТАЛҚЫЛАДЫ

Астанада Қазақстан Республикасы Денсаулық сақтау министрлігінің бастамасымен Ұжымдық қауіпсіздік туралы шарт ұйымына (ҰҚШҰ) мүше мемлекеттердің бас наркологтарының Үйлестіру кеңесі өтті.

Іс-шараға қатысушылар ҰҚШҰ форматындағы есірткіге қарсы қызметтің өзекті бағыттарын, ҰҚШҰ-ға мүше мемлекеттерде есірткіні медициналық емес тұтынумен байланысты жағдайды, сондай-ақ оның дамуының ықтимал үрдістерін талқылады.

Форум алаңында мамандар психоактивті заттарды медициналық емес қолданудың алдын алу және бастапқы, қайталама және үшінші наркологиялық бұзылулардың профилактикасы, сондай-ақ осы саладағы ведомствоаралық өзара іс-қимылдың озық тәжірибелерімен және әдістемелерімен алмасты.

Бұл кеңес Қазақстан Республикасының ҰҚШҰ-ға 2024 жылы төрағалық етуінде көзделген бірқатар іс-шаралар шеңберінде өткізіледі.

Кеңеске Қазақстан Республикасы Қауіпсіздік Кеңесінің және Қазақстан Республикасы Денсаулық сақтау министрлігі басшылығының өкілдері, Қазақстан Республикасы Білім министрлігі мен Ішкі істер министрлігінің, ҰҚШҰ хатшылығының сарапшылары, ҰҚШҰ-ға мүше мемлекеттердің наркологиялық қызметтерінің басшылары, БҰҰ Есірткі және қылмыс жөніндегі басқармасының қызметкерлері, Қазақстандағы Дүниежүзілік денсаулық сақтау ұйымының елдік офисі, мемлекеттердің білім беру және құқық қорғау саласының өкілдері – ҰҚШҰ мүшелері қатысты.