АЛМАТЫДА ЖАС ҒАЛЫМДАРДЫҢ VI ҒЫЛЫМИ-ПРАКТИКАЛЫҚ КОНФЕРЕНЦИЯСЫ ӨТЕДІ
Ертең Алматыда докторанттардың, магистранттардың, резиденттердің және жас дәрігерлердің «Жас зерттеуші: қазіргі заманғы педиатрия мен балалар хирургиясының сын-қатерлері мен даму перспективалары» атты Халықаралық ғылыми-практикалық конференциясы өз жұмысын бастайды.
Бұл конференция жыл сайын алты жыл бойы өткізіліп келеді және Педиатрия және балалар хирургиясы ғылыми орталығы үшін дәстүрге айналды.
Конференцияның мақсаты жас дәрігерлерге өздерінің жұмыс тәжірибелерімен және алғашқы ғылыми зерттеулерінің нәтижелерімен бөлісуге мүмкіндік беру. Ғылыми іс-әрекет дағдыларының, ғылыми пікірталасқа қатысу тәжірибесінің қалыптасуы студенттік орындықтан қалыптасуы керек. Сондықтан осы жыл сайынғы конференцияның міндеттерінің бірі резиденттердің, магистранттардың және басқа да жас дәрігерлердің ғылыми-зерттеу қызметіне деген қызығушылығын дамыту, зерттеу тәжірибесін қалыптастыру және оның нәтижелерін таныстыру болып қала береді.
Конференцияға 150-ден астам жас дәрігер, ғылыми жетекшілер мен тәлімгерлер қатысады деп күтілуде. Қазақстанның түрлі медициналық ұйымдарының, ғылыми орталықтардың, медициналық жоғары оқу орындарының докторларының баяндамалары, сондай-ақ Беларусь пен Өзбекстан спикерлерінің баяндамалары тыңдалады.
Байқау қорытындысы бойынша «Үздік ауызша баяндама», «Үздік постерлік баяндама», «Үздік мақала» номинациялары бойынша 9 жүлдегер марапатталады.
Зерттеу жобаларын ҚР педиатрия және балалар хирургиясы саласындағы танымал ғалымдар, жетекші мамандар бағалайтын болады. Мұқият іріктеуден өткен баяндамалар мен ғылыми мақалалар «Педиатрия және балалар хирургиясы» журналында жарияланады.
Конференцияны ұйымдастырушылар: Педиатрия және балалар хирургиясы ғылыми орталығы және «Педиатрлар Одағы» қоғамдық бірлестігі. Конференция гибридті режимде өтеді (off-line алаң, мероприятийline іс-шаралар платформасы).
Өтетін орны: Алматы қ., DoubleTree by Hilton Almaty қонақ үйі, Халел Досмұхамедов к-сі, 115.
БАҚ-ты аккредиттеу және қызықтырған мәселелер бойынша «ПБХҒО» баспасөз қызметінің қызметкері Назира Жұмақұловқа 8 (727) 269 69 52, 8707 815 18 33 арқылы хабарласуға болады.