А.ҒИНИЯТ АСТАНАДА ДДҰ ІС-ШАРАЛАРЫН ӨТКІЗУ ШЕҢБЕРІНДЕ ДИПЛОМАТИЯЛЫҚ КОРПУС ӨКІЛДЕРІМЕН КЕЗДЕСУ ӨТКІЗДІ
Бүгін Астанада ДДҰ Еуропалық өңірлік комитетінің 73-ші сессиясына дайындық бойынша ЕуроДДҰ миссиясының Қазақстанға сапары шеңберінде шет мемлекеттердің елшілерімен және халықаралық ұйымдардың басшыларымен, СІМ, ДДҰ-ның ҚР-дағы кеңсесі өкілдерімен брифинг өтті.
ҚР Денсаулық сақтау министрлігінің басшысы Ажар Ғиният ЕуроДДҰ бюросының өңірлік директоры доктор Ханс Клюге және ДДҰ командасына Қазақстанның денсаулық сақтау саласына қолдау көрсеткені үшін алғысын білдірді.
Содан кейін министр іс-шараны ұйымдастыруға Қазақстан Республикасында аккредиттелген дипломатиялық корпус және денсаулық сақтау саласындағы ынтымақтастықты жандандыруды жақтайтын халықаралық ұйымдар өкілдерінің қосқан үлесін атап өтті.
ДДҰ мен дипломатиялық корпус делегациясының қатысуымен өткен брифинг барысында Министр екі декларацияның отанындағы МСАК-тың тарихи рөліне арналған алдағы халықаралық іс-шаралар туралы айтып берді.
22-23 қазанда Астанада МСАК бойынша Жаһандық конференцияда МСАК-тың денсаулық сақтау қызметтерімен жалпыға бірдей қамтуға және орнықты даму саласындағы мақсаттарға қол жеткізудің негізгі элементі ретіндегі рөлін талқылау, елдер халқының денсаулығын нығайтуға бағытталған нақты шешімдерді әзірлеу жоспарлануда.
Мұнда денсаулық сақтау министрлері, халықаралық сарапшылар, МСАК мамандары деңгейінде 80 елден күндізгі форматта 650 делегат және онлайн форматта 2000-ға дейін делегат қатысады деп күтілуде.
23 қазанда жоғары деңгейдегі Саяси сегмент өтеді, оған ҚР Премьер-министрі Әлихан Асханұлы Смайылов, ДДҰ бас директоры Тедрос Адханом Гебрейесус, ЮНИСЕФ атқарушы директоры Кетрин Рассел қатысады деп күтілуде.
24-26 қазанда Астанада ДДҰ Еуропалық өңірлік комитетінің 73-ші сессиясы өтеді, оған 53 елдің денсаулық сақтау министрлері қатысады.
Сессия Денсаулық сақтау саласындағы өңірлік деңгейдегі маңызды саяси және дипломатиялық іс-шара болып табылады, оның мақсаты проблемаларды шешу тәсілдерін бірлесіп әзірлеу күтілетін өңір үшін өзекті денсаулық сақтау мәселелерін талқылау болып табылады, түйінді қарарлар қабылданатын болады.
Қазақстанға медициналық-санитариялық алғашқы көмек Отанының тарихи рөлі тиесілі, мұнда елдердің қандай да бір кемсітусіз денсаулық сақтаудың ең жоғары қол жеткізуге болатын деңгейін қамтамасыз етуге бейілділігінің негізін қалаған ДДҰ-ның екі маңызды құжаты– 1978 жылы МСАК бойынша Алматы декларациясы және 2018 жылы МСАК бойынша Астана декларациясы қабылданды.