ҰЛЫТАУ ОБЛЫСЫНДА АУЫЛДЫҚ ДЕНСАУЛЫҚ САҚТАУДЫ ЖАҢҒЫРТУ ЖӨНІНДЕГІ ҰЛТТЫҚ ЖОБАНЫ ІСКЕ АСЫРУ БАСТАЛДЫ

Мемлекет басшысының тапсырмаларын орындау бойынша айдарды жалғастыра отырып, Ұлытау облысы «Ауылдық денсаулық сақтауды жаңғырту» ұлттық жобасының қатысушысы болғанын хабарлаймыз. Жоба ауылдық жерлерде медициналық көмек пен инфрақұрылымның сапасын жақсартуға бағытталған.

Ұлытау облысында жобаны іске асыруды бастау ауылдық денсаулық сақтауды дамытудағы, сондай-ақ жергілікті халықтың медициналық қызметтерге қолжетімділігіндегі маңызды қадам болып табылады.

Ағымдағы жылы ұлттық жобаны іске асыру үшін бүкіл ел бойынша 99 медициналық объектінің құрылысына қаражат бөлінді.

Ұлттық жобаға сәйкес, облыста құрылыс-монтаж жұмыстары басталған 5 МСАК объектісін салу жоспарлануда. Мәселен, облыста жақын арада Ұлытау ауданының Байқоңыр, Қоскөл, Мибұлақ, Терісаққан ауылдарында және Жаңаарқа ауданының Ынталы ауылында фельдшерлік-акушерлік пункттер пайда болады.