АҚМКБ ЕНГІЗУ НӘТИЖЕСІНДЕ ПАЦИЕНТТЕРДІҢ ҚАНАҒАТТАНУШЫЛЫҒЫНЫҢ ЖОҒАРЫЛАУЫ БАЙҚАЛАДЫ
Халыққа медициналық көмектің сапасын жақсарту үшін елдің медициналық ұйымдарында ақпараттандыру, қоғамдық мониторинг және кері байланыс (АҚМКБ) тетігі сияқты тәжірибелер енгізілуде.
Бұл практиканың мақсаты медициналық ұйыммен олардың пікірі мен одағына бағдарлана отырып, адам өмірінің барлық кезеңдерінде өз денсаулығының әлеуетін толық іске асыру үшін халықтың топтарымен, пациенттермен, олардың отбасы мүшелерімен, жергілікті қоғамдастық өкілдерімен әріптестікке қажеттілік пен іс-қимылды айқындау болып табылады.
АҚМКБ стационардағы көмек сапасын әмбебап жақсарту және медициналық-санитариялық алғашқы көмекті ұйымдастыру процестеріне бағытталған халық пен медицина қызметкерлерінің арасында жүргізіледі. Ұйым қызметкерлері мен халықтың бірлескен жоспарлауы мен әріптестігі медициналық ұйымға деген сенімділікті арттыруға, оның имиджі мен беделін көтеруге мүмкіндік береді.
Ол үшін медициналық ұйымның жанынан Денсаулық сақтау саласына қоғамдық сенім комитеті немесе консультациялық-кеңесші орган болып табылатын «Халық Кеңесі» құрылады. Төраға - халықтың белсенді ұстанымы бар беделді тұлға. Бұл алаң денсаулық сақтау ұйымы мен халық тың арасында диалог құру үшін бірегей, онда медициналық көмек көрсету бойынша проблемалық мәселелер талқыланып, шешімдер қабылданады.
Бүгінде мұндай тәжірибелер Алматы облысының Еңбекшіқазақ аудандық орталық ауруханасында, Жамбыл облысының медициналық ұйымдарында, Талдықорған қаласындағы МСАК үздік практикалар орталығында сәтті жүзеге асырылуда. Жақын арада Қарағанды қаласында, М. Оспанов атындағы БҚММУ отбасылық медицина клиникасында, Ақтөбе қаласында, Солтүстік Қазақстан облысының емханасында. іске қосу жоспарлануда.
АҚМКБ енгізу нәтижесінде пациенттердің медициналық көмек сапасына қанағаттануының артуы, барлық базаларда, оның ішінде әлеуметтік желілерде негізделген шағымдар санының азаюы, пациенттер мен медицина қызметкерлерінің арасындағы коммуникацияның жақсаруы, халықты сапаны басқаруға және медициналық көмек көрсету сервисін жақсартуға тарту байқалады.
Ағымдағы жылы Қазақстан Республикасында медициналық-санитариялық алғашқы көмек көрсетуді ұйымдастыру стандартына осы нормалар енгізілді, барлық өңірлерден МСАК мамандарын оқыту жүргізілді. Медициналық ұйымдарда АҚМКБ енгізу бойынша жұмыс жалғасуда.