А. ҒИНИЯТ ҚЫЗЫЛОРДА ОБЛЫСЫНЫҢ БАС ДӘРІГЕРЛЕРІМЕН БІРҚАТАР ПРОБЛЕМАЛЫҚ МӘСЕЛЕЛЕРДІ ТАЛҚЫЛАДЫ
Бүгін ҚР Денсаулық сақтау министрі Ажар Ғиният Қызылорда облысының медициналық ұйымдарының басшыларымен кеңес өткізді, онда халыққа медициналық көмек көрсетудің негізгі бағыттары талқыланды.
Өткен жылмен салыстырғанда өңірдің денсаулық сақтау саласының бірқатар негізгі медициналық-демографиялық көрсеткіштерінің оң динамикасына қарамастан, кеңес барысында емханалар мен стационарлар менеджменті деңгейінде шешуді, сондай-ақ жергілікті атқарушы органдарды қолдауды талап ететін көптеген проблемалық мәселелер көтерілді.
Бұл ана мен бала денсаулығын сақтау саласында медициналық көмекті ұйымдастыруға, МСАК-тың тиімді жұмысының жеткіліксіздігіне, профилактикалық тексерулер жүргізу кезінде аурулардың төмен анықталуына, медициналық объектілерді техникалық жарақтандыруға қатысты.
Денсаулық сақтау вице-министрі Вячеслав Дудниктің сөзінен көрініп тұрғандай, Қызылорда обылысында қанайналым жүйесінің ауруларынан болатын өлім-жітім көрсеткіші өткен жылдың сәйкес кезеңімен салыстырғанда 17,8% - ға төмендеді, бұл ретте жіті миокард инфарктісінен болатын өлім-жітім саны өткен жылдың сәйкес кезеңімен салыстырғанда 1,4% -ға өсті, жыл қорытындысы бойынша қатерлі ісіктерден болатын өлім-жітім көрсеткіші 100 мың халыққа шаққанда 48,3-ті құрап, 12,5%-ға төмендеді.
Ол өңірде жарақаттанудан, уланудан және жазатайым оқиғалардан болатын өлім-жітім 2021 жылдың сәйкес кезеңімен салыстырғанда 13,3% және 21,0% өскенін атап өтті.
Көптеген қызметтерге тән проблемалардың бірі ретінде В. Дудник кадр тапшылығын, әсіресе анестезиолог-реаниматологтарды, соның ішінде балалар анестезиолог-реаниматологтарды, МСАК онкологтары, фтизиопульмонологтарды атады.
МСАК жұмысына қатысты облыста барлық аурулар бойынша диспансерлік есепте 164 467 адам тұратыны, оның ішінде 72 128 пациент үш ауру бойынша ( артериялық гипертензия, қант диабеті, жүрек функциясының созылмалы жеткіліксіздігі) адам ем алатыны атап өтілді. Бірақ бұл санның ішінде пациенттердің үштен екісі ғана ауруларды басқару бағдарламасына қатысады, бұл жалпы практика дәрігерлері жүргізетін жұмыстың төмен белсенділігін көрсетеді. Сонымен қатар, вице-министр скринингтік зерттеулер жүргізудің төмен нәтижелілігіне назар аударды.
Жүрек аурулары бар пациенттерге бейінді көмек көрсетуге келетін болсақ, облыс бойынша симптомдар пайда болған сәттен бастап 60 минуттың ішінде медициналық көмекке жүгінгендердің үлесі 35,85% -ды құрады, бұл орташа республикалық мәннен 2 есе төмен. Инсульт кезінде медициналық көмек көрсетудегі осындай қанағаттанарлықсыз жағдай ишемиялық инсультпен ауыратын науқастарда жүргізілген жүйелі тромболиздің төмен үлесі байқалады, сондай-ақ инсульт алған адамдардың тек 70%-ы тұрғылықты жері бойынша диспансерлік есепке алынды.
Толығырақ В. Дудник онкологиялық көмек көрсету мәселелеріне жеке тоқталды.
«Қызылорда облысы онкологиялық науқастарға медициналық көмек көрсетуді ұйымдастыру бөлігінде өте проблемалы. Медициналық көмек көрсетуді ұйымдастырудағы негізгі проблемалардың ішінде облыстық онкологиялық орталықтың өз ғимаратының болмауы, желілік үдеткіштің болмауы, сәулелік терапияны жүргізуге арналған ескірген жабдық, соның салдарынан бастапқы онкологиялық науқастарды сәулелік емдеумен қамтудың төмендігі - 27,4%, бас және мойын ісіктері жөніндегі арнайы маман кадрларының, тірек-қимыл аппараты ісіктері жөніндегі маманның, патоморфолог, нейрохирург, гематологтар тапшылығы болып табылады», - деді вице-министр.
ҚР ДСМ Медициналық және фармацевтикалық бақылау комитетінің деректері бойынша өткен жылы Департаментке 303 өтініш келіп түсті, оның ішінде 272 өтініш қаралды. 80, оның ішінде негізді – 31 (76%), ішінара негізделген – 30 өтініш бойынша тексеру жүргізілді. Өтініштердің негізгі бөлігі сапасыз емделуге және толық тексерілмеуге – 92,5%, одан кейін емдеуге жатқызудан бас тарту – 1,23%, басқа да шағымдар – 6,2% келеді.
В. Дудник Қызылорда облысының денсаулық сақтау басқармасына әкімдікпен бірге жергілікті автоөнеркәсіптің мүмкіндіктерін пайдалана отырып, санитариялық автокөлікпен және медициналық жабдықтармен қамтамасыз ету мәселелерін пысықтауды ұсынды.
Қызылорда облысының денсаулық сақтау саласындағы барлық проблемалық мәселелерді тыңдап, министр Ажар Ғиният ағымдағы жылы жағдайды түзету үшін қажетті шараларды қабылдауды тапсырды.